Ang pagbalik gikan sa Ehipto

Ikaunom nga Kasakit:

Pamalandong

Human sa hataas nga panahon nibalik na gyud ang Balaang Banay sa dapit diin sila gikan. Ning maong pagbalik angayan lamang gyud unta sila nga magmaya ug maglipay kay human sa hataas nga panahon sa pagkahimulag gikan sa ilang kagikanan.

Nahitabo kini aron matuman ang gitagna nga pagatawgon niya ang iyang anak gikan sa Ehipto. Kining maong paghiuli dako man og kahimoan aron sa kun diin nagsugod ang tanan adto usab kini tiwason.

Apan gibati og tumang kahadlok si San Jose sa dihang nasayran niya nga si Arkelao maoy nihulip sa iyang amahan.

Nanumbalik sa panumdoman ang kasinatian sa kapintas. Apan bisn pa ning maong kasinatian ang Diosnong pamaagi dili usahay nato masabtan apan ang paghibalik sa Diosnong Bata ngato sa Israel ug sa iyang pagpuyo sa Nazaret nahitabo aron sa ingon pagatawgon siyang Nazaretnon.

Pangamuyo

O Mahimayon nga San Jose, sama ka sa anghel dinhi say uta nga nahimong nagmasinugtanon sa kamandoang Diosnon.

Imong kahupayan ang pagdala gikan sa Ehipto balik sa Israel ang imong pinalangga nga si Jesus. Apan gumikan sa imong kahadlok kang Arkelao gumikan sa pahimangno sa Anghel nanimuyo kamo nilang Jesus ug Maria uban ang kalipay sa dapit nga ginganlan og Nazaret aron matuman ang panagna nga siya pagatawgon nga Nazaretnon.

Pinaagi ning maong kasakit ug kalipay itugot alang kanamo nga ang among kasingkasing makalingkawas unta gikan sa walay hinungdang kalisang aron magmaya kami inubanan sa malinawong tanlag sa pagkasayud namo nga nagpuyo kami nga luwas uban ni Jesus ug Maria ug nga sama kanimo motaliwan kami diha sa ilang presensiya maingon nga ikaw nitaliwan nga anaa sila.

Amahan Namo… Maghimaya ka Maria… Himaya sa Amahan