Noli Me Tangere

Pinasikad sa: Juan 20;11-18

Dili tiaw ang nasinati ni Maria Magdalena sa nahitabo sa atong Ginoo. Sinaligan siya niini ug gani gitawag siya nga apostle to the apostles.

Tungod sa naghinobrang kaguol wala nag ani siya nakaila sa iyang nabanhaw nga Ginoo nakaila lamang siya niini sa dihang nisangpit kini sa iyang ngalan: “Maria!” nitubag siya:

“Rabboni!” kun Magtutudlo ug gumikan sa dakong kalipay buot siyang mohikap kang Jesus apan gibuyag siya niini:

“Noli Me Tangere!” Ayaw ako og hikapa kay wala pa ako makaadto sa Akong Amahan nga inyong Amahan! Sa akong Dios  nga inyong Dios!

Nganong wala man dayon makaila si Maria Magdalena ug ang ubang mga tinun-an ning mga pagpakita ni Jesus human sa iyang kabanhawan? Kini tungod kay anaa man siya sa kahimtang sa kahimayaan. Ning maong kahimtang sa kahimayaan nahimo siyang totally different sa iyang kahimtang kanhi.

Nganong wala siya magpahikap? Tungod kay ang bisan unsang mahimayaon ang nilagbas naman sa bisan unsang kalibutanon.

Kining maong pagpakita timailhan lamang nga ang atong Ginoo wala man magpabilin sa kalibotan sa mga patay.

Hinunoa, nabanhaw siya ug nag-andam ug dapit alang kanato kay kun hain siya atua usab kita… kini ang iyang saad ug angayan lamang nga molaum kita niini.