Panapus sa Siete Palabras

Matud pa ang mga katapusang mga pulong sa mga tawong himatyon ang pagaisipon nga mahinungdanon. Mahinungdanon tungod kay ang nagagikan gyud kini sa iyang pagbati. Pagbati nga naglambigit sa iyang personal nga kasaysayan kun kaagi nga matud pa mahimong manumbalik sa iyang panumdoman ug buhilaman kun mag-abot na ang gininhawa. Kun mag-ilog na ang kahayag ug kangitngit nga maoy maghari sa iyang mga mata ug ang katapusang mahanaw diha sa tawhanong sentido mao man ang pandungog.

Sa matag human sa mga katapusang pito ka mga pulong kita gipahinumdoman ning mosunod:

Ang paghilom aron tugkaron kun asa na kita kutob diha sa atong pakiglambigit sa Dios.

Ang paghilom aron atong maaninaw kun unsay atong nahimo nga angayang tulisokon nato ang atong kaugalingon gumikan sa atong pagtampo sa subli subling paglansang sa atong Ginoo.

Ang paghilom aron mas kita nato ang atong dakong panginahanglan sa Dios kaysa atong kaugalingong pagsalig sa atong katakus. Atong hunahunaon nga anaa kita atubangan sa Krus diin nagbitay ang atong Ginoong Jesus ug sa atong pagsud-ong kaniya atong hunahunaon nga siya namulong bisan pa man kun nag-abot na ang iyang gininhawa. Kutas na kaayo apan  iya kitang gialam alaman sa iyang pag-ingon: “Gimahal ko ikaw! Gipasaylo ko Ikaw! Bililhon ka alang Kanako! Ug kining maong talan-awon makatukmod unta kanato sa pag-ampo ngadto kaniya:

Prayer before the Crucifix

Look down upon me, good and gentle Jesus,

while before Thy face I humbly kneel and,

with burning soul,

pray and beseech Thee

to fix deep in my heart lively sentiments

of faith, hope and charity;

contrition for my sins,

and a firm purpose of amendment.

While I contemplate,

with great love and tender pity,

Thy five most precious wounds,

pondering over them within me

and calling to mind the words which David,

Thy prophet, said of Thee, my Jesus:

“They have pierced My hands and My feet,

they have numbered all My bones.”

Amen.

Human sa pagtungas sa atong tagsa tagsa ka mga kalbaryo monaog kita aron ang kasanag sa pasaylo nga atong nadawat ato pud untang mapaambit ngadto sa uban. Nagasimba kami kanimo O Kristo tungod kay nianang Santos nga Krus gitubos mo ang Kalibutan. Amen!