Buta

Marso 19, 2023

Ikaupat nga Domingo sa Kwaresma

Mga Pagbasa: 1 Sam. 16;1,-7/Sal. 23/Ef. 5;8-14/Jn. 9;1-41

Maayong balita

Gihimo ni Jesus ang laing healing miracle ning mga panahona. Ang buta sukad pa sa iyang pagkabatan-on ang gihimong makakita pag-usab.

Dili man tuod limpiyo kun buot hunahunaon ang gihimo ni Jesus pinaagi sa luwa nga gimasa sa lapok ug gipahid sa mga mata sa maong buta ang nakaayo niini. Human nakapanghilam-os didto sa Siloe ang maong buta nahimong nakakita pag-usab.

Kasinatian

Mahinungdanon ang atong mga mata. Ang tumang paggamit niini labina sa atong kaadik sa cellphone ug ug uban pang mga gadgets usahay maoy hinungdan kun nganong daghan nato ang nadaut na hinuon ang atong panan-aw. Apan dili lang ang atong pisikal nga mata ang angayan natong bantayan kondili apil na pud ang atong espirituhanong mga mata.

Matud pa lisud kaayo kadtong mga nakakita na apan nagdumili sa pagtan-aw. Kini tungod kay ang ilang kinaugalingon nga baruganan mao man ang nakapahimo nilang sirado alang sa panahom sa uban.

Labaw na kay tungod sa daghang mga tawo nga nahimong ilado ang nahimong nabilanggo sa ilang kaugalingong katakus sama sa mga Pariseo nga nipalagpot sa naayong buta gikan sa sinagoga tungod kay alang kanila natawo man siya sa sala.

Lihok

Karong semanaha pangayoa sa Dios ang kaabli dili lang sa paagi nga gilantaw mo ang palibot kondili kaabli sa grasya niya nga molihok mismo diha sa imong kinabuhi.

Hinumdomi nga kun giunsa mo pagtan-aw ang imong isigkaingon, ingon ini usab ang panlantaw mo sa imong kaugalingon.

Pangamuyo

Open our eyes Lord

Open our Lord we want to see Jesus. /to reach out and touch him/ and say that we love him. Open our ears Lord and help us to listen./ open our eyes Lord We want to See Jesus.