Managlahi ang pangan sa birth certificate
Dear Atty. Divine,
Hello Atty., maayong adlaw kanimo, naa unta koy pangutana kabahin sa akong birth certificate sa PSA kong pwede ba ko ka makapangayo og tabang nimo or tambag unsay pamaagi ani kay it’s been a year na gyud ko nag sige balik-balik ug process ani atty. but wala gyuy kausaban. Managlahi man gud ang akong name sa PSA ug sa akong Certificate of Live Birth sa Local Civil Registrar. But ang akong gigamit nga name ang anaa sa akong live birth sa local kay legitimated man ko. But pagkuha nako sa PSA attorney sa copy sa akong Birth Certificate, lahi man ang akong pangan unsaon ni nako og palihug tabangi ug tambagi ko. Thank you.
Yurika
* * *
Dear Yurika,
Dad a ang imong kopya sa birth certificate gikan sa PSA ngadto sa opisina sa Local Civil Registrar diin ka marehistro, ug dad a sab ang kopya sa imong Local Birth Certificate, imong ipakita nila ang duha ka kopya sa imong birth certificate ug imong ipangutana kanila kun nganong managlahi ang imong pangan kay ang imong Certificate of Live Birth gikan sa Local Civil Registrar mao man unta na ang ilang i-forward ngadto sa PSA Manila. Pangutana sa taga Civil Registrar kun unsay nahitabo sa imong kaso nganong managlahi ang imong name sa ilang record sa PSA ug pangutan – a kun unsay ilang requirements or mga documents nga imong i-submit kanila aron imong pakorihi-an ang imong records sa PSA kay ang anaa sa imong Certificate of Live Birth sa Local Civil Registrar mao man ang imong gigamit. Sunda ang ilang tambag og i-comply ang ilang mga dokumento nga gikinahanglan aron makurihi-an ang imong records sa PSA-Manila. Thank you and God bless. — Atty. Divine
* * *
Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
