Adoption
Dear Atty. Divine,
Ang akong igsuon dunay anak sa pagka dalaga ug iyang gibilin nako ang bata og milarga siya abroad ug nagtrabaho isip domestic helper.
Duha na siya ka tuig sa gawas ug wa gyud mouli ug wa gani magsuporta sa iyang anak.
Basi sa among nahibaw an nga naminyo na daw kini ngadto ug duna nay usa ka anak. Ang bata nga gibilin ngari nako kapin na sa 3 anyos ug ako ang giila niya nga inahan.
Ang akong pangutana kun mamahimo ba namong sagupon ang akong pag-umangkon kay kami man gyud ang giila niini nga mama og papa? Unsay among buhaton? Daghang salamat.
Flor
* * *
Dear Flor,
Adunay mga kwalipikasyon nga gilatid sa Domestic Adoption Act of 1998 alang sa mga gustong mosagop.
Apil sa gilatid sa maong balaod nga ang mosagop is in the position to support and care the child. Sa ato pa, dapat financially stable ang mosagop sa bata nga makabuhi kaniya ug makapa eskwela.
Kinahanglan sab ka og Affidavit of Consent gikan sa imong igsuon og sa amahan sa bata. So, needed gyud ang pagtugot sa ginikanan sa bata sa inyong pagsagop kaniya.
Busa maka file lang mo sa Petition for Adoption sa korte kon aduna nay pagtugot sa mga ginikanan. Thank you and God bless.
Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
