Illegitimate child

Dear Atty. Divine,

Duna koy pangutana may labot sa apelyido sa akong pag-umangkon. Dili kasal ang akong igsuon ug ang amahan sa bata. Sa dihang nanganak akong igsuon, ang amahan sa bata tua sa abroad ug this year pa mouli. Nagsuporta siya sa bata apan tungod kay di siya makapirma sa birth certificate ang apelyido sa inahan sa bata ang gigamit sa Birth Certificate sa akong pag-umangkon. Ang akong pangutana unsay gamiton nga middle name  sa bata? Kun mouli na ang amahan mahimo ba nga mausab ang apelyido sa bata og isunod sa apelyido sa amahan? Daghang salamat. — Laura

Dear Laura,

Samtang wa pa ma-recognized sa amahan ang bata hayan ang apelyido sa iyang inahan gyud unang gamiton  sa  birth certificate sa bata apan  dapat wa siyay middle name. Kini basi sa mga nangaging desisyon sa Korte Suprema nga  nagkanayon nga ang illegitimate nga bata nga mogamit sa apelyido sa iyang inahan dapat walay middle name. Apan kun siya i-recognize na sa amahan then mamahimo siyang mogamit sa apelyido sa amahan ug ang apelyido sa iyang inahan maoy iyang middle name. Busa kun mouli na ang amahan sa bata mamahimo siyang mo execute og Affidavit of Acknowledgment with Consent to Use His Surname ug iyang i-submit ngadto sa Local Civil Registrar diin marehistro ang  bata  aron mausab ang  apelyido sa bata sa iyang birth certificate. Thank you and God bless. —Atty. Divine

Alang sa inyong pangutana, palihug lang sa pag - email sa [email protected] ug akong  tubagon ang inyong pangutana pinaagi sa akong column matag Miyerkules, Sabado ug Domingo.