Gobiyerno ang suliran

Namahayag si DA Deputy Spokesman Rex Estoperez nga ang mga bagyo nga resulta sa climate

change, ingon man ang sakit sa mga hayopan sama sa African Swine Fever (ASF) ug Avian

Influenza nuntan sa kuyanap nga smuggling mamahimong babag sa paningkamot sa administrasyon

sa gitinguha’ng food security sa nasud sa tuig 2023. Sa gitumbok sa DA nga hinungdan sa

kakulang sa produksyon, wala mahilakip ang kakulang sa panglantaw ug pagpangandam sa

kagamhanan sa m

Tihik mo-limos

Matud pa ni Msgr. Joseph Tan, tigpamaba sa Archdiocese sa Cebu, dili matawag nga “improper”

ang pagsayaw og TikTok sa pari atubangan sa altar sa simbahan atol sa pagpahigayon sa Misa

de Gallo. Nanaygon lang kuno ang pari aron makatigom og pundo alang sa proyekto sa

simbahan. Makapahinumdum kini sa komedya-estorya sa pari nga gidudahan nga adunay anak nga

gitagoan sa kumbento tungod kay aduna may mga hinayhay nga lampin ug ubang biste nga

nakit-an. Sa dihang gisuna ang pari kabahin sa hinayhay, pintok kining mitubag nga, “Tihik

kaayo mo mohatag og limos sa simbahan. Kon wa pa ko modawat og labada, basin malunosan ko

dinhi.” Madahaaan!

Mikaging ang da

Taliwala sa padayon’g pagtaas sa presyo sa pula nga sibuyas-bombay, nga moabot na karon sa

tag-P 520 ang kilo, namahayag ang Department of Agriculture nga wala kini laraw nga mo-

import sa maong produkto. Nabalaka ang DA nga mobaha sa kamerkadohan ang mga gi-smuggle nga

sibuyas-bombay kon tugtan na ang importasyon. Walay tataw nga solusyon ang DA ni’ng

padayon’g pagsaka sa presyo sa produktong agrikultura. Daw nahisama lang sila sa usa (deer)

nga nikaging sa dihang natandang sa hayag nga suga. Ni’ng pagpasagad sa kagamhanan, haum

ang panultihon nga, “Ang sayop nga buhat mas maayo pa kay sa walay gibuhat.” Muleeeng!

Temporaryo ang nakat-onan

Matud DepEd-Central Visayas Director Salustiano Jimenez, aduna pa’y 803 ka mga public shool

classrooms sa tibuok Central Visayas ang kinahanglan pa nga ma-repair human kini maguba sa

Bagyong Odette kapin sa tuig na ang milabay. Tungod niini, nagbuhat ang ahensya og mga

Temporary Learning Spaces (TLS) aron maoy himoon nga kasamtangang saringan sa mga kabataan.

Subo palandongon ang kahimtang sa atong mga eskwelahan nga tungod sa kakulangon midangop na

lang sa mga TLS. Hinaut nga kon aduna ma’y nakat-onan ang mga tinun-an, dili usab kini

temporaryo. Saoonz!

Iwas loan shark

Gidid-an ni Bise Presidente ug Education Secretary Sara Duterte ang mga “loan sharks” ug

mga tigpatanto’g kwarta nga makaduol sa mga lugar diin ipahigayon ang pagpanghatag sa

service recognition incentive (SRI) sa mga empleyado sa DepEd. Kini human usab gimando sa

Kalihim nga irelease nga cash ang incentive ug dili ipaagi sa ATM. Mura’g makalihay una sa

bayronon ang mga utangan bisan ning higayona lang. Mao kana’y giingon nga “Utang lipay,

Bayad dugay; Suktan likay. Ayaw na’g usab pangutang Bay.” Pagkatoytoy!