Ang mensahe ni Juan magbubunyag

Ikaduhang Dominggo sa Adbiyento

MAAYONG BALITA

Sa kamingawan nibutho ang personahe ni Juan Magbubunyag. Si Juan Magbubunyag mao kadtong tingog sa kamingawan nga nagsinggit ug nagmantala sa paghawan sa dalan alang sa taliabot nga Mesiyas. Dili siya ang Mesiyas apan siya ang precursor kun ang mag-uuna niini. Nagbunyag siya ginamit ang tubig. Nagbunyag siya aron ang katawhan maandam ug magbag-o alang sa Mesiyas nga taliabot.

KASINATIAN

Kasagaran sa mga tawo karong mga panahona ang mangita og mga tawo nga inila. Sa ilang pagka inila mosunod sila kaniya, motuo sila kaniya, ug mamahimo silang mga panatiko alang kaniya. Apan si Juan lahi. Tinuod daghang mga tawo ang nituo kaniya ug ang uban kanila nagdahum man gani nga siya ang Mesiyas apan wala si Juan magpahimulos ning maong kabantog. Tataw ug tin-aw ang iyang panlantaw nga dili siya ang Mesiyas. Ang iyang kinabuhi, kinabuhi sa pagsakripisyo. Ang iyang bisti binuhat sa panit sa kamelyo, dulon ug dugos ang iyang kalan-on. Apan malig-on ang mensahe ni Juan. Biyai ang inyong mga sala! Paghinulsol! Hawani ang dalan alang sa Ginoo! Sa atong kapanahonan karon, nahimo ba kaha kitang tagana ug andam sa paghinlo sa atong mahugaw nga kinabuhi ug pagpul-ong sa atong mga sanga nga hiwi. Sakit ang pagpul-ong apan usahay kini kinahanglanon aron mamahimo kitang buhi ug himsog diha sa atong panaw nga tawhanon ug espirituhanon.

LIHOK

Karong semaha himoa ang personal nga pag-usisa sa imong tanlag. Hinumdomi kun imong nahawanan ang imogn kasingkasing ug hunahuna agig pagpangandam sa taliabot nga mesiyas. Sama ni Juan Magbubunyag nahimo ba kitang mapaubsanon?

PANGAMUYO

I Heard A Sound Coming from the Mountains

I heard a Sound coming from the mountain

I heard it clearer each day

I heard a sound coming from the mountains

And it says prepare ye the Way

Prepare ye the Way, Prepare Ye the Way, Prepare Ye he Way of the Lord