P1,500 alang sa mga indigent seniors

Dugang kini sa P500 monthly gikan sa national government ug sa P1,000 matag bulan gikan sa City Hall. Gihimo kini aron kahatagan og dugang ayuda ang mga indigent seniors nga wala nay kapanganihuan.

Matud ni Anecita Suico, Officer-in-charge sa DSWS sa dakbayan: “Deserving gyud sila for the need, angayaan silang makadawat sa Social Pension. Atong social workers mo-conduct og home visit, validation, tan-awon kon gikinahanglan ba gayud nga hatagan sila sa dugang financial assistance, ilabina nga wala silay pension gikan sa SSS ug GSIS, ug wala nay mga anak nga ilang masangpit. Unsaon na lang ang ilang maintenance nga tambal?”

Mokapin og 4,000 ka indigent sa dakbayan ang makadawat ning maong additional financial assistance gikan sa dakbayan sa Sugbo. Ug matud pa, ang city government, pinaagi sa DSWS motabang nga ang maong mga indigent seniors mo-qualify gayud sa Social Pension Program for Indigent Senior Citizens sa DSWD.

Sa iyang bahin, si Clavel Saycon, ang tinugyanan sa DSWD-7 mibutyag nga sa locally funded nga assistance, wala kinahanglana ang economic status to qualify, ma-pobre man o ma-dato, as long as registered voters gikan sa 2013 pa.

Mao nay kalainan sa hinabang local kay sa national funded nga assistance. Walay pagpinig ang ato dinhi, maoy hinungdan nga maoy mag-una usahay ang mga dato, sakay sa mahalon nilang mga sakyanan, pagkobra sa ilang financial assistance. Mauwahi na hinuon mi.

Dili pa man hinuon ko tantong indigent, apan isip usa ka retiree, wa n apud koy trabaho, although aduna koy gamay nga pension gikan sa SSS, ug pinangga gihapon ko sa akong mga anak. Kahibawo man ta nga mas pinangga sa atong gobiyerno ang mga government retirees kay sa private sector retirees.

Mao nga dagku kaayo’g pension, (daku kaayog deperensiya) ang mga GSIS pensioner kay sa SSS pensioners. Ambot ngano nga wala man magpakabana niini ang atong mga leader nga ang Balaod 9994, nagkanayon man nga:

“The retirement benefits the retirees  from both the government and the private sector shall be regularly (sa IRR, yearly) reviewed to ensure their continuing responsiveness and sustainability,and to extent practicable and feasible, shall be upgraded to be at par with the current scale enjoyed by those in actual service.” Klarex, di ba? Nanong wala man kini mapatuman?

Katuyoan sa Social Pension Program for Indigent Senior Citizens, “is meant to augment the daily subsistence and other medical needs of indigent senior citizens, and  to improve the condition of indigent senior citizens by augmenting their daily subsistence and medical needs; reducing the incidence of hunger, and protect them from neglect. abuse, deprivation, and natural and man-made disasters.”

By the way, ang sunod nga pagpanghatag sa seniors’ financial assistance karon nang Oktubre 28, “Happy Birthday” kini Mayor Mike, kay buot niya nga magmalipayon usab kita niining adlaw ug atoll sa culmination sa Senior Citizens Month.

Ug ang DSWD-7 diay, naka-released og bali’g P18,122,680 nga cash assistance ngadto sa nawad-an og trabaho sa Mactan Economic Zone sa Lapu-Lapu City. Matud sa DSWD-7, 3,774 out of the 4,203 retrenched workers received cash aid and family food packs.”