Kinahanglan silotan
![](https://qa.philstar.com/images/authors/1337067.jpg)
Pasakaan og kaso sa Anti-Cybercrime Group (ACG) sa Philippine National Police ang usa ka langyaw nga social media influencer ug upat ka mga vloggers tungod sa paglapas sa balaud nga defacement, mutilation, tearing, burning or destruction of Central Bank notes and unlawful use of means of publication and unlawful utterances.
Ang Bangko Sentral Ng Pilipinas mihangyo og tabang teknikal sa Anti-Cybercrime Group sa nasudnong kapolisan sa pag-monitor sa kalihokan sa social media accounts sa mga suspetsado nga sila si Samer Ousta, usa ka Syrian national nga naila sa social media nga “Foreigngerms ug Habibi Sami”, Arnold Galentes Rogero nga naila nga “Cholo TV”, Carl Romulo Miclat Quion “carlquion”, Ritchard Pinero Eramel “ekongyahoo.com” ug Joel Espinosa Mallanao “qyuarfheerzzchyam”.
Ang ACG mingon nga si Samer Ousta gitunga sa paggisi ang salapi sa nasud ug miawhag sa mga nanglabay nga mga tawo sa pagtabang kaniya. Iya kining gitawag nga eksperimentong social. Si Rogero nakita nga gihimong bola ang salapi alang sa iyang basketball fun-shoot game pinaagi sa pag-stapler sa salapi. Gilungagan ni Quion ang usa ka libo nga salapi nga iyang gigamit sa iyang magic trick samtang si Eramel mi-posts sa iyang videos sa facebook ug tiktok sa iyang pag gamit sa P500 nga pangtrapo sa iyang sapatos ug pagkahuman iya kining gikumot ug gilabay sa dalan. Si Joel Espinosa migamit sa P50 nga salapi isip funnel sa pagbalhin sa produktong petrolyo.
Taralon ug silotan kining maong social media influencer ug vloggers nga nagbugal-bugal ug mipasipala sa salapi sa nasud nga nagrepresentar dili lamang sa katawhan sa nasud ngadto sa komunidad sa kalibotan kun dili sa iya usab nga paglabigar sa kusganon nga pagpakigbatok sa kolonisasyon ug sa pag-angkon sa kagawasan aron lang sila mosikat ug makaagni ug dugang tumatan-aw ug sumusunod.
Isip Pilipino, ina kay motan-aw ug mosunod ning moang social media influencer ug vloggers ako kamong giawhag sa pagkondenar ug sa pagprotesta sa ilang pagbugal-bugal, pagpasipala ug pagyama-yama sa atong salapi.
- Latest