Magsuon managlahi og desisyon sa kabilin sa ginikanan

Dear Atty. Divine,

Ang akong mga ginikanan namatay na, naa silay house and lot. Tulo mi ka magsuon, ang gusto sa usa nako ka igsuon,ibaligya ang balay ug yuta. Apan kaming laing duha ka igsuon, gusto bahinon nalang namo ang yuta. Ang akong pangutana Atty. unsaon namo pagsulbad ang among problema? Daghang salamat.

Arn

* * *

Dear Arn,

Ang inyong option aron pagsulbad sa maong problema, kamong duha ka magsuon nga gustong bahinon ang yuta, inyong paliton ang share sa usa nimo ka igsuon aron duha nalang mo nga magbahin. I think, nagkinahanglan og money ang usa ninyo ka igsuon mao nga gusto niyang ibaligya ang property. Apan kun inyong paliton nalang ang iyang share sa reasonable sab nga presyo mas maayo kay aron di sad mapunta sa lain ang kabilin sa inyong ginikanan plus dako-dako na sab ang inyong share sa yuta kay duha na man lang mo nga magbahin niini. Kun magkasinabot, mapirmahanay mo og Extrajudicial Partition with Sale sa portion sa share sa imong igsuon aron inyong ma-process ang pag-transfer niini ngadto nalang sa pangan ninyong duha ka magsuon. Hinaut nga magkasinabot sab mo sa presyo, and I hope nga mosugot ang imong igsuon sa inyong offer nga paliton ninyo ang iyang share. Thank you and God bless. —Atty. Divine

Alang sa inyong pangutana, palihug lang sa pag-email sa [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.