Kinabuhing monastico ning kapanahonan karon

Sa ka-busy karong mga panahona malisod alang sa kadaghanan kanato ang magpuyo ingon nga monghe ug gani lisod kini nga pangandoy ang pagbiya sa kalibotan diin ikaw sakop ug patak—op sa imong kaugalingon sulod sa monasteryo. Apan alang kanako dili kini mahitungod lamang sa pagsulod literally sa monasteryo hinunoa ang paggahin ning mosunod nga mga balansayon:

1.    Kahilom. Ang pagtak-op sa baba ug sa disposisyon gikan sa mga walay hinungdang kasaba. Ang kasaba ingon man ang mga kahasol dako man og babag sa atong paghilom diha sa maampoong pakigkukabildo sa Ginoo.

2. Pagkamapaubsanon.  Dili mahimuot ang Dios sa tawong mga mapahitas-on. Ug labaw na  nga dili makasulod ang Diosnong presensiya sa tawong garboso.

3. Pagkamakanunayon sa Pag-ampo. Disiplina ang kinahanglanon aron ang usa ka tawo mamahimong magmakanunayon sa pag-ampo. Bisan wala kita sa mood nga moampo apan kinahanglang mag-ampo kita sa walay hunong. Kini ang atong kinahanglanon karong mga panahona.

4. Pagbasa sa Balaang Kasulatan. Kinit ungod kay ang Balaang Kasulatan mao man ang basahon sa atong kaluwasan. Alang nako daghan man tuod ang mga nindot nga basahon apan mas nindot gyud ang basahon sa Bibliya. Ang  Bibliya Buhing Pulong, ang Bibliya Pulong sa Dios.

5. Paglihok. Ang mga monghe nabuhi sa ilang kaugalingong paningkamot. Ang ilang patigayon pinatuloan og singot. Ang ilang kusog ilang gigamit aron mag sustento sa ilang kaugalingon. Bisan pa man kun anaa ang mga hinabang apan mahinungdanon gyud nga kita molihok.