Waiver of rights

Dear Atty. Divine,

Dunay na inherit nga mga properties ang akong mama sa iyang parents.

Apan namatay ang akong mama nga wa pa mabahinbahin ang property uban sa iyang mga igsuon

Ang akong papa dili na interesado sa iyang share sa maong property ug gusto niya nga kami rang duha ka mga igsuon ang magbahin sa kabilin sa maong inahan.

Unsa nga dokumento ang dapat pirmahan sa akong papa? Daghang salamat.

Rica

* * *

Dear Rica,

Kun dili na gusto imong papa nga modawat sa iyang share sa bisan unsang property nga gibilin sa imong mama, kinahanglan nga mo execute ang inyong amahan og Waiver of Rights nga maglatid nga bolutaryo niyang gi waived ang pag-inherit sa iyang shares sa estate sa imong mama in favor ninyong mga anak.

Dapat notarized ang maong Waiver of Rights. Kini aron dili na ilakip ang imong papa sa pagbahin sa maong property og adto na kini mapunta ninyong mga anak. Thank you and God bless.

Atty. Divine

* * *

Alang sa inyong pangutana, palihug lang sa pag-email sa f[email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.