Ang unang 100 ka adlaw sa BBM administration

Kining unang 100 ka adlaw sa mopuli nga pamunoan, importante kaayo kini, makahulogan kaayo kini, kay usually mao na kini ang mag-establish sa direksiyon asa paingon ang nasud, ug unsay hatagan sa unang mga pagtagad sa daghang problema nga gisagubang sa nasud.

Mao usab kini sa ubang demokratikanhon mga nasud, critical kaayo ang unang 100 ka adlaw sa bag-ong administrasyon.

Sa unang 100 days sa pamunoan ni BBM, si Senador Franklin Drilon, ang Senate Manority Floor Leader, mitambag nga mao untay unahon sa pagtagad ang mahitungod sa panglawas ug edukasyon.

Matud ni Drilon: “President-elect Ferdinand "Bongbong" Marcos Jr. must exercise political will in the first 100 days of his term to address pressing issues facing the country, such as the inadequate healthcare and the poor education system.

“He should capitalize on the so-called ‘honeymoon period’ and exercise political will in the first 100 days of his presidency to address... four urgent issues that remain unresolved and define his legislative priorities.”

Unsa man ning upat ka unresolved urgent issues?  “Inadequate health system, an economy   crippled by the pandemic, failing education system, ug weak rule o law.”

Labing seguro, aware usab si BBM niining maong mga ‘urgent issues,’ ug lagmit mahisgutan usab kini ni sa una niyang 100 ka adlaw sa iyang pamunoan.

Dili tiaw ang mga suliran nga atubangon ni BBM. Alang nako, ang labing daku nga suliran mao ang pagpabuhi sa nasudnong ekonomiya. Kay kon lig-on ang ekonomiya, everything follows well.

Among other concerns, unsaon man nato pagbayad ang P12.68 trillion nga utang, kini as of March 2022.  Unsa man, magpadayon ba’g pangutang si BBM?

Naghisgot man kita’g federalism dinhi, sa iyang bahin, ang kanhi kalihim sa National Economic Development Authority (NEDA), Ernesto Pernia, mipadayag sa iyang hunahuna o opinion nga ang umaabot nga administrasyon, “must prioritize the economy over the plan to shift to federalism.”

Bitaw, akong tan-aw, mas urgent ang problema sa ekonomiya kay as pag-shift ngadto sa federalism. Ang pag-shift ngadto sa federal system can wait, makahuwat, ilabina na nga magkinahanglan usab kini og Charter Change. Sa ato pa, molanat og pila ka tuig.

So, alang kang Pernia, unahon nato ang pagpabarog sa ekonomiya. Dili madali ang pag-ChaCha ug pag-shift ngadto sa federal system.

In the meantime, unsaon man nato ang ChaCha ug ang federalismo kon magkotoy ang atong tiyan? So, tiyan muna, later na ang pag-usab sa sistima.

Dugang ni Pernia, on the plan to shift to federalism: “Such shift would be more difficult now, considering the impact of the pandemic and other external factors, including the war between Russia and Ukraine. It’s going to be more difficult to do that now with the economy not in good shape.”

Ug bahin sa federalism, si Pernia nagkanayon: “Frankly, I’m not keen about federalism because they are very unequal in terms of development, resilience and resources. It’s very difficult to have different federal states or regions that are so unequal in terms of economic growth, resource base and all that.” Niay laing headline sa Philippine Star: “ Next Congress told: “Don’t defer barangay, SK polls.”

Ato ning hisgutan sa sunod natong lindog.