Insulto

Daghan nato ang nakainsulto o dili ba kaha ang nainsultohan.

Ug kining maong buhata nahimong  komon karong mga higayona labina nga hinangat ang pagpili sa atong mga kandidato.

Ang mga alepores ingon man ang mga trolls padayong pangdaut ngadto sa mga tawo nga dili nila kahabig.

Ning paagiha nahimong haguka ang matag tawo nga mahiligon kaayo sa panginsulto.

Dunay mga hinungdan kun nganong manginsulto ang tawo. mahimong naglangkob kini ning mosunod:

1.  Taas ra kaayo ang superiority complex. Sa laktod nakaminos.

2. Pagtabon sa kaugalingong insecurity. Ang pagsulti og bati ngadto sa uban sama pananglit sa pulong nga bogo possible nga magpasabot nga ang nagsulti og bogo numero pud nga bogo.

3.  Pagpatagad. Daghan ang mga tawo nga buot mo rant sa social media sa pamasin nga sila matagad. Sa laktod mga tawong kuwang sa pansin kun mga ksp.

Dili sa tanang panahon imong tugbangan og insulto ang usa ka insulto.

Himoang mokaon sa ilang gipangsukang pulong ang mga insultador nga numero pud nga sawayonon.

Feeling better ug entitled ra kaayo ang mga tawo karon. hinuon, dili tanan kay aduna pa may mga mga tawo nga hangtud karon maantigo gihapong mohunahuna kun unsay maayo ug unsay dautan.

Kay sa kauwahian ang atong mga buhat ingon nga linugdangan sa atong hunahuna.

Kun unsay atong hunahuna mao man usab ang atong pagabuhaton. Ug ang atong pagabuhaton maoy timailhan sa atong kaugmaon.