Tungod sa kaguol

Kun anaa kita sa kaguol usahay dunay mga maayong butang o mga panghitabo nga atong makalimtan.

Sama niadtong higayon nga duha sa mga tinun-an ni Jesus naglakaw padung sa Emmaus.

Sa ilang paglakaw ilang nakita ang ang Nabanhawng Ginoo apan wala sila makaila kaniya. Sa ilang paglakaw ilang nadungog ang iyang mga panahom ug pagpasabot apan wala sila makaila kaniya.

Sa iyang pagpikas pikas sa pan, anha pa sila nahigmata sa kamatuoran nga ang Ginoo diay kadto. Apan ulahi na sanglit, nahanaw man siya.

Mao nga managsama silang nagdali aron ibalita kining maong hitabo ngadto kanila nga nagtago sulod sa lawak gumikan sa kahadlok.

Aduna kitay nakat-onan niini: naglangkob kini ning mosunod:

1. Una, ang naghinobrang kaguol usahay makapawala kanato sa atong pokus.

2. Ikaduha ang naghinobrang kahadlok mao man ang nakalangkat sa dakong posibilidad nga makita nato kun unsay nindot ug unsay makaayo alang kanato. Ang self-pity gumikan sa kawalay mahimo mao kini ang hinungdan kun nganong daghanan kanato ang nahimong malisang ug mahadlok ug dili na makalihok.

3. Ang defining moment nga mao ang pagpikas pikas sa pan maoy nakapauli sa kasibot sa mga tinun-an nga nahimong nasanapan sa tumang kahadlok.

Tungod sa kaguol kita mamahimong mahasol. Apan bisan pa man niining tanan padayon kitang manlimbasog nga sa kaulahian dili kita mapakyas sa hilabihan.

Mas dako pa ang grasya kaysa disgrasya sa atong tagsa tagsa ka mga kinabuhi. Happy Easter kanatong Tanan.