Amang ug bungol

Pinasikad sa: Mk. 7;31-37

Lisud ning mamahimong amang ug bungol ang usa ka tawo, kinit ungod kay dunay dakong posibilidad nga mamahimong ma-isolated siya gikan sa katilingbanong gutay sa kalambigitan.

Tungod kay ang kukabildo malisod man labina kun maghisgot kita sa normal nga pamaagi. Sa pag-abot sa sign language nga Sistema sa komunikasyon arang arang na lang apan sa gihapon lisud kay dili tanang mga tawo makasabot sa sign language nga butang.

Ang atong Ginoong Jesus nihimo sa usa ka milagrosong pag-ayo sa amang ug bungol nga niduol kaniya. Lahi kini sa ubang matang sap ag-ayo. Kasagaran atong nadunggan nga himoon lamang niya ang pagsulti ug diha diha mamaayo dayon ang masakiton.

Ning aktoha gihimo ni Jesus dili lang ang pagsulti og Efata nga sa ato pa, maabli ka! Kondili iyang gikulkog ang dalunggan sa bungol ug human makulkog iyang gituthoan ang iyang tudlo ug gihikap ang dila sa maong amang ug bungol.

Unhygienic kun buot hunahunaon apan mao kadto ang pamaagi aron ang maong tawo mamaayo aron mahibalik kini sa naandang luna diha sa katilingbanong pakigkukabildo.

Sa laing bahin, ang pagkaamang ug pagkabungol dili lang nato sabton ingon nga literal nga handicap sa tawo. hinunoa, daghang mga tawo ang nahimong amang kay magdumili man sila pagsulti sa matuod ug makaayo sa kadaghanan.

Ang uban bungol kay malisud alang kanila ang pagpamati sa kamatuoran. Kamatuoran nga bisan sakit atong dawaton aron mamahimo kitang mga gawasnon.

Bukha ang among mga baba O Ginoo ug himoang abli ug tagana ang among mga dalunggan sa pagpaminaw sa imong pulong ug kabubut-on. Amen.