Gustong papahawaon sa yuta nga gipuy-an

Dear Atty. Divine,

Naa lang unta koy pangutana hinaut unta matubag nimo. Ang tagiya sa yuta nga amoang gipuy-an gusto nga pabalhinon mi og puyo.

Pero sa unang panahon gihatagan ni siya og deklarasyon pagmatuod nga siya ang nanag iya niini.

Ang akong pangutana pwede ba mi mosukol sa kaso parte sa yuta?

Naa ba mi chance nga makadaug kay tax declaration  ra man ang ilang gikuptan? Daghang salamat.

Susan

* * *

Dear Susan,

Kon walay laing claimant nang yutaa nga nagkupot og titulo then ang tax declaration nga gikuptan sa tag-iya mamahimong proof of ownership niya sa property isip siya maoy declared owner ug isip siya maoy nagbayad sa buhis.

Kun mosukol mo sa kaso kay di mo gusto nga mobalhin, siguruha nga naa moy mga ebidensya nga ikapakita sa korte nga mopamatuod nga wa siyay katungod nga mopapahawa kaninyo kay dili siya ang tag-iya sa yuta.

Kun wa moy mga ebidensya then mas maayo nga makigsabot nalang mo tag-iya nga hatagan mo og igong panahon nga makapangita og kabalhinan.  Thank you and God bless.

Atty. Divine

* * *

Alang sa inyong pangutana, palihug lang sa pag-email sa flores_divina@yahoo,com ug akong tubagon ang inyong pangutana pinaagi sa akong column matag Miyerkuyles, Sabado ug Domingo.