NiWa makabayad sa abangan sa balay
Ang house and lot sa akong sister nga tua sa gawas iyang gipaabangan sa iya ra sab nga amiga. At first, maayo kayo siya mobayad og on time gyud. Apan sugod adtong Enero wa na man siya mobayad until now.
Nagsige nalang siya og saad og ang akong sister midedisyon nalang nga papahawaon siya tungod sa kadako na sa iyang bayranan.
Plano karon sa akong sister nga iya nalang paabangan sa lain. Wala silay gipirmahan nga Contract of Lease. Ang akong pangutana, unsay una namong buhaton aron siya among mapapahawa?
Daghang salamat.
Joy
* * *
Dear Joy,
Ang una ninyong buhaton mao ang pagpadala og demand letter sa nag-abang labot sa iyang bayranan and to settle sa iyang obligasyon sud sa 15 ka adlaw or else inyo siyang papahawaon.
Kon mapakyas gihapon siya sa pagbayad, magpadala mo niya og final demand letter og inyong siyang pahibaw-on nga kinahanglan na niyang I-vacate ang property. Kun di gihapon siya mopahawa og di sad mobayad, inyong siyang ipatawag sa barangay.
Kun di gihapon siya mo settle sa barangay then modangop na gyud mo sa korte. Inyo siyang pasakaan og kasong ejectment aron ang korte na ang momando kaniya sa pagpapahawa. Kon di siya moboluntaryo sa pag-vacate bisan kon naa nay court Order, ang sheriff na ang mohimo og aksyon aron sa pagpapahawa kaniya. Thank you and God bless.
Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
