DEF sa kinabuhi

Devotion. Daghan sa mga tawo ang nahimong utokan apan walay debosyon sa ilang nakat-onan. Kini ang kuwang bisan gani sa relihiyon.

We are a religion of logic but not of devotion. Ingon ini ang pulos sa ritual.

Ang ritual pagpadayag sa debosyon, ang ritwal pagpakita usab sa kamatuoran nga ang pagtuo dili lang diay nato hunahunaon kondili usab saulogon. Nindot kaayo kitang mamaba apan sa laing bahin mas nindot gyud kun atong paharion ug initon ang pagtuo diha sa atong kasingkasing Sama sa relasyon kun anaa ang debosyon sa usag usa mas moinit kini ug magmalahutayon.

Empathy. Kun imong sul-obon ang sapatos sa uban. Kun anaa ka ini nagpasabot kini nga sensitibo ka sa panginahanglan ug pagbati sa uban kun ato kining mahimo mas mahimong makahuloganon ang imong kinabuhi. Gawas nga nakapahupay ka sa gibati nila, mas nakita pa gyud nimo ang imong bili ingon nga relational being.

Fidelity. Ang pagkamatinud-anon sa imong nasugdang panlantaw. Ang maong panlantaw kinahanglang puy-an ug tumanon bisan pa man sa katapusan.

Mahinugdanon kini labina kun buot nimong i maintain ang consistency sa imong kinabuhi. Ang walay consistency walay igong padulngan.

Ang kinabuhi misteryoso nga angayan natong saulogon. Let us live life to the fullest.

Ang kinabuhi kinahanglang saulogon ug diha sa atong pagsaulog niini angayan natong hinumdoman nga mahinungdanon gihapon kita sa katilingban diin kita sakop.

Kay mag-unsa man tuod ang hataas nga kinabuhi kun wala kini mapuy-i sa paagi nga mabungahon dili ba kawang ra gihapon ang tanan?

Live as if you will die tomorrow mao nga ihatag ang imong best ning panahon sa kasamtangan.