Absolute divorce 2

Kining mosunod mao ang mga basihanan sa pag paanular sa kaminyoon dinhi sa Pillipinas:

-  kakuwang sa pagtugot sa mga ginikanan, guardian, o mga tawo nga gihatagan og gahom sa balaud nga mahimong hulip nga ginikanan sa gustong magminyo nga anaa pa sa edad 18 hangtod ubos 21 gawas lang kun pag abot sa edad 21 libre nga moipon gihapon sa matag usa isip asawa ug bana;

- Nga ang matag partido anaa sa dili maayong panghuna-huna gawas lang kun paghibalik sa maayo niining panghuna-huna libre nga moipon sa matag usa isip bana ug asawa;  -  Nga ang pagtugot sa partido gikuha sa lingla gawas kun pagkahuman uban ang sakto nga kahibawo sa panghitabo nga naglimin sa lingla, libre nga miipon sa usa ka partido isip bana ug asawa;

- Nga ang pagtugot sa partido gikuha pinaagi sa pinugos, pagpanghulga o inpluwensiya, gawas kun sa paghunong ug pagkawagtang niini, ang ,maong partido libre nga miipon sa matag usa isip bana ug asawa;

-  Nga ang usa sa partido dili makahimo sa lawasnon nga kaakohan sa iyang kaminyoon ug ang iyang inkapasidad nagpadayon ug nakita nga wala nay kaayohan;

-  Nga ang usa sa partido natakdan sa mananakod nga sakit (sexually transmissible disease) nga napalgan nga seryoso ug nakita nga wala nay kaayohan ug kaminyoon diin ang usa sa partido psychologicall incapacitated.

Sigun sa atong batakang balaud ang pamilya mao ang pundasyon sa nasud ug ang kaminyoon mao ang pundasyon sa pamilya. Busa kun ligon ang pamilya, maingon nato nga ligon usab ang nasud. Busa kinahanglan nga paligonon pagmaayo ang kaminyoon kay mao man kini ang pundasyon sa pamilya nga mao usab ang pundasyon sa nasud.

Kun tugotan nga absolute divorce dinhi sa nasud mahimo kining instrumento sa pagpahuyang sa pamilya nga moresulta unya sa pagkahuyang nasud.

Ang absolute divorce mahimo unyang sama sa bakukang ug anay nga mohinay-hinay sa pagkutkot sa pundasyon sa nasud ug pamilya.