Daghan og nawong

Ning panahona karon, dili maayo nga mosalig lang kita dayon. Ang mga tawo bisan unsa pa nga matang sa  kaayo ang imong gipakita, padadyon gihapon silang magmaluibon bisan pa og gitabangan pa na nimo sila taman sa ginhawa. Ang mga tawo maluibon. Ang uban nga mahimong hatagan sa kapritso apan bisan pa niini padayong magpabiling masakiton ug maluibon ang tawo.

Dunay mga higayon nga mamahimong anugon ang imong investment labina kun maghisgot na kita og investment sa pagbati. Kay ang imong paghigugma ug pagtinarong mamahimong mabaslan man og pagluib. Dunay mga nagkadaiyang hinungdan kun nganong ang tawo mamahimong modaghan ang nawong kini naglambigit ning mosunod:

1.  Modaghan ang nawong sanglit iya man kining talento nga mamahimong maayo kaayong moarte.

2.  Lain nga rason mao nga ang tawo buot molahutay ug mabuhi. Kabahin sa maong pamaagi mao man ang pagpangingkamot nga mouyon sa mga nagkadaiyang dapit o lugar sa pagpakabuhi. Ang dili man gud pag-uyon ug ang pagpalahi mao man ang magdala kanato sa kamatayon.

3.  Dunay mga tawo nga nagkadaiya lamang ang nawong ug panagway kay buot man nilang mamahimong gamhanan pinaagi sa pag-blend diha sa mga nagkadaiyang hut-ong ug dagway sa katilingban.

Tinuod kun makahimo ka o duna kay abilidad sa paghimo sa ingon, nan, mas madali alang kanimo ang pagpakabuhi diha sa dakong kalipay kay lagi nahimo nga nakalamang ka sa uban. Apan mao kini ang timan-i nga daghan sa mga tawong malupigon ug manlamang sa uban mga tawong mamahimong magisa mismo sa kaugalingon nilang mantika. Kay kun unsa kadaghan ang imong nawong, dunay mga linalang nga maantigong mobasa niini.