Gikan sa atong kaugalingong panlantaw

Matag usa nato dunay gigikanan nga perspektibo. Kining maong perspektibo nahimong naapektohan sa atong tagsatagsa ka mga kagikan, kasaysayan ug uban pa. Kining maong mga sukaranan ato  mang pagabitbiton diha sa paagi nga gisud-ong nato ang atong palibot ingon man ang mga panghitabo libot niini. Sa laktod walay dili mamahimong hawa sa bias. Ang tanan duna gayuy ikasulti. Sa laing bahin, ang mga tawo usab nakigkukabildo nato binitbit pud ang ilang kaugalingong bias ngari nato.

Sa samang pagkaagi nahimong daw idlas ang objectivity labina kun dili nato matugotan nga makasulti ang usa ka butang sa iyang kaugalingon gayud. Mao nga unsaon man tuod pagkab-ot niini kun padayon kitang naulipon sa atong namat-an og buot? Mao nay giingon ni Master Yoda nga: “That’s why you failed!” Kay wala man motuo si Luke Skywalker nga makahimo siya motuo nga siya makahimo sa paghaw-as sa iyang wing gikan sa pagkaunlod niini didto sa Degoba. Ang nahimutangan ni Master Yoda.

Unsay angayan natong buhaton?

1.  Una, ang pag-angkon nga matag usa nato dunay  kalainan sa kadaghanan. Ang mahinungdanon maantigo kitang motahud sa maong kalainan.

2. Ikaduha, flexibility ang gikinahanglan aron sa ingon mamahimong magpuyo kita sa kinabuhi nga makasukol sa malisod nga reyalidad sa kinabuhi. Dunay mga butang nga angayan natong isalindot dili tungod kay dili kita motuo kanila kondili tungod kay gikinahanglan nato nga mohimo og modification sa atong panlantaw.

3.  Ikatulo, dunay mga tawo nga dunay bias batok nato busa ato silang pasagdan sanglit mas nakaila man kita sa atong kaugalingon kay kanila ug niadtong dunay bias for alang nato angayan lamang nga ato silang himoong inspirasyon sanglit ang mga sama nila. Isipa sila nga bahandi. Kay taliwala sa tanang panglutos sila padayong nisalig sa imong katakus.

4. Ikaupat, mamahimo na kitang hingpit bisan wala ang ubang tawo, busa dili maayo nga kita mahadlok

5. Ikalima, mahimong talikdan kita sa tanan, apan sa Dios dili gyud kita pasagdan.