Sa dihang gikabig si San Pablo Apostol

Si San Pablo matud pa numero unong milutos sa mga tinun-an sa dalan.

Gihimo niya ang pagpanakop kanila nga iyang hisakpan. Nunot kini sa pagtugot nga gihatag kaniya sa mga kadagkoan sa templo ug sa mga magtutudlo sa balaod.

Sa laing bahin, nahimong daw memorable alang kaniya ang panaw padulong sa Damasko. Sa maong panaw, iyang gikahibalag si Jesus nga iyang gilutos. Gumikan sa naghinubrang kahayag siya nahimong nabuta sa daklit.

Ang maong pagkabuta sa daklit maoy nagdala kaniya ngadto sa tinud-anay nga kahayag nga mao si Jesu-Kristo.

Tuod man, nabag-o siya ug nabunyagan. Ang kanhiay nga maglulutos karon nahimong madasigong magwawali sa pagtuo nga iyang gikaligutgotan kanhi. Nahimo siyang matinud-anon niini hangtud sa katapusan. Segun sa tradisyon, si Pablo ang gipatay pinaagi sa pagpunggot sa iyang ulo.

Ang iyang pag-ula sa iyang dugo mao man ang pinakadakong pagmatuod niya sa iyang gugma ngadto kang Jesus.

Ang pulong pagkakabig gikan sa Griyegong pulong metanoia. Usa  kini ka complete paradigmatic shift nga nahitabo sa tawo.

Iyang i-unlearn ang iyang na learned sukad pa sa sinugdan. Dugang pa atong masabtan nga kining metanoia dili dayon makab-ot diha diha.

Pasabot niini mao nga:

1.  Nagkinahanglan og igong panahon. Walay kabag-ohan ug pagkabig nga mahitabo overnight.

2.  Nagkinahanglan kini og grasya. Apart from me you can do nothing (Jn. 15;5)

3. Ang sinugdanan sa kabag-ohan mao ang pagbag-o sa kaugalingon.

4. Ang sistema mabag-o lamang kun dunay kinasingkasing tinguha sa pagbag-o sa kaugalingon.

Subo palandungon nga nahimong daw idlas ang pagbag-o. Idlas tungod kay daghan naman ang comfortable na kaayo sa naandan nilang mugna bisan salikwaot.

Daghan gihapon ang nagtuo sa ilusyon nga kinahanglang iduso na lang halos ang tanan ngadto sa kahitas-an. Apan masakiton ang tanan ning panahona sa dakong katalagman.

Ang bugtong paagi aron na lang tingali mabuhi mao nga magpunay na lang og ingon og sige na lang kay wala tay mahimo? Matud pa sa madre nga gikahinabi nako dili pa lang dugay.