Gustong i-acknowledge sa amahan ang bata

Dear Atty. Divine,

Aduna koy illegitimate son ug ang bata anaa sa custody sa iyang inahan. Akong gisuportahan ang bata sukad sa pagkatawo niini hangtud karon. 

Apan wa mabutang ang akong pangan isip biological father sa Certificate of Live Birth sa bata ug ang apelyido sa inahan maoy gigamit sa akong anak. Gusto unta nako nga ang akong apelyido mao na ang gamiton sa akong anak ug gusto sab nako nga i- acknowledge ang bata. Unsay angay nako nga buhaton? Daghang salamat.

Roel

* * *

Dear Roel,

Isip biological father sa bata, mamahimo siyang   mogamit sa imong apelyido ug gitugot kini sa balaod. Mamahimo sab nimo siyang  i-acknowledge  nga imo siyang anak pinaagi  sa pag execute og Affidavit of Acknowledgment with Consent to Use Surname, kinahanglan nga notarized ang maong dokumento ug dapat sab nga adunay consent sa inahan sa bata. Human niini, imong i-submit ang maong dokumento sa Local Civil Registrar diin mareshistro ang imong anak ug once ma annotate na kini sa iyang Certificate of Live Birth mamahimo na nga mogamit ang imong anak sa imong apelyido kay  imo na man siyang gi-acknowledged ug gitugutang makagamit sa imong surname. Thanks and God bless.

Atty. Divine

* * *

Alang sa inyong pangutana,  palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkukes, Sabado ug Domingo.