Preventive suspension sa empleyado

Dear Atty.  Divine,

Duna koy pangutana labot sa akong preventive suspension nga gipahamtang sa akong kompaniya. Dunay reklamo nga gi-file batok nako gikan sa akong  co-worker og tungod niimi gipadad-an ko og memo aron sa pagtubag sa maomg reklamo but at the same time gipailawom ko sa preventive suspension. Ang akong pangutana kun husto ba ang gibuhat sa akong kompaniya pagsuspenso kanako while on going pa ang ilang imbestigasyon ? Daghang salamat. —Peter

Dear Peter,

Ang preventive suspension usa kana ka reasonable measure sa employer alang sa iyang empleyado nga gireklamo. Kini gitugot  sa balaod basi sa Rule XXIII, Book V of the Omnibus Rules Implementing the Labor Code. Ang maong suspension dili makonsiderar mga usa ka silot kondili gituyo kini aron dili makahimo og kadaut sa kompaniya ug sa iyang mga kaubang employees ang empleyado nga giimbistigar. Mismo ang Korte Suprema sa ilang mga earlier decisions nagkanayon nga ang preventive suspension legal nga mapahamtang sa empliyado basi sa Section 8 og 9 sa  Rule XXIII, Book V of the Omnibus Rules Implementing the Labor Code. Hinuon ang maong suspension kutob ra sa 30 ka adlaw ug kun ipadayon sa employer ang pagsuspenso  kinahanglan na niyang swelduhan ang empleyado ug hatagan sa iyang naandang benepisyo atol sa extension. Busa ang pagsuspenso kanimo sa kompaniya adunay gibasihan.Thanks  and God bless Atty. Divine

* **

Alang sa inyong pangutana, ipadala lang sa Legal  Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.