Kanunay bun-ogon sa bana

Dear Atty. Divine,

Naa koy problema kabahin sa akong bana nga maoy hinungdan sa gubot namo nga pamuyo kay  kusog kaayo mamun-og, verbal ug physical abuse gyud ang akong nasinati niya. Nagdako ang akong anak nga babaye nga nakasaksi sa sige namong away sa iyang papa ug kaduha na sad mapriso ang akong bana human nako pasakai og kaso tungod sa pagpamun-og, at that time ang akong anak 3 anyos pa. Kapila na siya miuli sa ila human nako gipapriso dayon mobalik na pud ug mangayo og pasaylo ug mosaad nga di na usbon ug ako sab nga gipasaylo sa makadaghan nga higayon kay di ko gusto nga magdako ang akong anak nga way amahan. Karon ang akong anak 17- anyos na ug mosukol na sa iyang amahan. Karong bag-o nag-away na sab mi kay tungod sa ECQ naa ra mi sa balay. Atol sa among away ug tungod sa akong kasuko tungod sa iyang sakit nga estorya, akong gihulga og kutsilyo , nakakita ang akong anak ug milaban nako ug iyang gibunalan ang iyang papa. Tungod sa hitabo nagpa-blotter ang amahan ug nagpa medical tungod sa iyang bun-og. Gusto nako nga makigbuwag sa akong bana attorney ug pila may magasto kun magpa-annul na lang ko? Di man siya mobiya sa among balay nga wa man unta siya'y na-contribute pagpatukod niini kay wa man siya'y trabaho, naa ba siya'y katungod sa among balay attorney? Daghang Salamat. —Rona

Dear Rona,

Bisan pa kun way  na na-contribute sa inyong pagpatukod sa inyong balay  ang imong bana naa gyud gihapon siya'y bahin kay any properties nga ma-acquire during marriage considered na nga inyong duha. Apan kalabot sa inyong panagtipon, kun ingon ana kagubot ang inyong pagpuyo mas maayo gyud nga modesisyon ka kun imong buwagan you have to do something or else mahimong kriminal imong anak kun sige siyang makakita ninyo nga mag-away ug nagdako siya nga dunay kalagot sa iyang amahan. You have to decide gyud nga imo siyang papahawaon kay moabot gyud ang time nga mograbe pa ang inyong away ug ang  iyang pagpamun-og nimo. Dili sab maayo og psychological effect sa imong anak nga teenager nga anaa siya magpuyo sa gubot nga pamilya. Kun di na gyud nimo kaya ang iyang batasan then ayaw pag-antos, buwagi. Kun magpa-annul ka makagasto gyud ka. But para nako mas maayo nga makig-separate una ka aron magmalinawon ang inyong pagpuyo then later na lang ka mo-decide kun magpa-annul  ba gyud ka sa inyong kaminyuon.Pangitai og paagi nga magmalinawon ang imong pagpuyo uban sa imong anak. Pwede sab mo mosuway og marriage counseling kay basin madala pa na og tambag imong bana. Thanks and God Bless. —Atty. Divine

Alang sa inyong pangutana palihug lang sap ag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.