Online nga tapok sa mga magsisibya
Pagsugod og tingog sa DYAB samtang nagbunok ang uwan sa Sugbo ug Kabisay-an 25 ka tuig ang nilabay ambot pila ra namo nga nagsibya ug sa mas daghan nga naminaw nga naghunahuna sa paglahutay sa institusyon og duha ug tunga ka dekada.
Labaw nang wa tingali bisan usa nga nagpaabot nga kining kasumaran, nga igo untang sukaranan sa pagpaundayon sa malipayong pagsaulog, karon nalukop sa kabalaka nga mao na ang kataposan kon, simbako, di na lugwayan sa Kongreso ang prangkisa sa tanang sibyaanan sa radyo ug telebisyon sa ABS-CBN.
* * *
Nahinangop ming nisalmot sa online nga reunion sa DYAB si Dante Luzon kinsa uban ni anhing Danny Bernardo maoy nagtukod sa sibyaanan ug nitapok sa unang hugna sa mga kawani. Ubang nag-ugmad sa DYAB nga nakahigayon pagkuyog namo:
Cebu City Councilor Dave Tumulak nga nagsugod sa Hoy Gising! Sa Channel 3 sa wa pa mahisakop sa Radyo Patrol ug mahimong tagduma sa Tabang Patrol;
Edgar Escalante nga nabalhin sa TV Patrol sa wa pa moretiro; ug
Junhan Tudino nga nagpabiling sakop sa media apan tua na magbase sa Saipan.
* * *
Nakatambong sab sa reunion sa Zoom ang mga nakaduma og mga tulomanon sa DYAB sa sa wa pa maghupot sa ilang katungdanan sa gobyerno: Silang Commissioner Ina Magpale sa ERC, Regional Director Ahmed Cuizon sa LTFRB sa Central Luzon, June Berongan sa Barangay Pardo, Cebu City ug Najib Cubio sa Public Information Office sa Hilongos, Leyte.
Nihapit sa reunion si kanhi Cebu City Councilor Carmen Piramide nga tagduma sa Kapamilya Negosyo Na! (KNN).
Ug ang mga nakatingog sa DYAB sa wa pa motutok sa ilang pribadong patigayon: Tisha “Inday Tikay” Ylaya ug Adrian “Bonding” Diongzon.
* * *
Wa tuyoang nag-abot ang banggiitang mga abogado nga nagtingog sa DYAB: Atty. Boy Alo, Atty. Jun Arriesgado, Atty. Ralph Sevilla, Atty. JT Benz ug Atty. DX Lapid.
Nakauban sa tapok si Atty. Aven Piramide kinsa nakaduma sa tulomanong nipakisawo sa higante niyang koleksiyon sa mga plaka sa labing bantogang mga mag-aawit.
Nisalmot sab sa reunion si Langga Neda Esguerra ug dinapit nga mga magsisibya: Klasmit Yul Julia ug Ka Bino Guerrero. Ug sama sa naandan nipaukyab sa kalihokan si Junrey Nadela.
* * *
- Latest
