Bahala na

Kini ang kasagaran natong malitok ilabina sa mga higayon nga bation nato ang kawalay kapaingnan ug kahimoan ilabina sa mga higayon nga atong sagubangon ang naghinobrang suliran sa kinabuhi.

Ang maong mga suliran kun makaya nato daw atong garbo nga sila atong masulbad.

Apan sa mga higayon nga kita maglisud pagsulbad mahimong mahulog na lang kita sa gitawag pa nilang determinism ug fatalism.

Mao nga mogamit kita sa pulong nga: “Bahala Na!” Alang sa uban, ila kining pakapinan og: “Bahala na ang Dios!” Kini tungod kay diha sa ilang paningkamot ilang nakita nga nahimong kuwang pa gyud kini ug nagkinahanglan sila sa ayuda gikan sa kahitas-an.

Pag-angkon nga bisan unsaon ang tawhanong panlimbasog dili magmalamposon labina kun walay hinabang espiritohanon.

Sa laing bahin, ang pulong “Bahala” mahimong pun-an og “Ka.” “Bahala ka” Mahimong ato kining sud-ongon sa mas affirmative nga side “Bahala ka sa imong pagahimoon!”

Or mahimo pud kining sud-ongon nato sa negative side “Bahala ka na sa imong kinabuhi!” Nga sa ato pa, wala na akoy labot pa sa imong kinabuhi.

Ning paagiha nahimong mas indifferent ang tawo nga nagpangga ngadto sa gipangga gumikan sa gipanghimong dili maay oi o niini. Ang gugma nahulipan og kasilag.

Kasilag nga dili mahimong mapuypoy. Panimawos may bugtong paagi aron mahatagan og katumana ang gilatid nga laraw sa pagpaningil.

Ning panahon sa Pandemonyo mahinungdanon kaayo ang pagrisgo dili aron tuyoan ang bisan unsang makadaut kondili aron pagpakita nga dili diay maayo nga magpunay lang og salig sa bisan unsay gimando sa mga labaw nga kun buot hunahunaon walay igong basehan ug bunga lamang sa haka haka ug kabuang. Bahala Na!

Ang mahinungdanon mohimo kita og unsay makaayo alang sa matag usa kanato.

Nahinumdom nuon ko sa akong higala ug lay minister nga si Brod Paking Comajig kanhi hepe sa Catmon.

Ako to siyang higala ug akong nakita dili gyud to mahadlok mosulti kun unsay anaa sa iyang hunahuna bisan pa man kun dunay mga higayon nga ma misunderstood siya sa uban. Apan bisan pa niini, siya nagmalig-on gihapon hangtud sa katapusan. Dili man tuod siya hingpit apan naningkamot siya nga mamahimong hingpit sa gihapon.

Pahulay nga dayon ihatag kang Brod Paking Ginoo ug ang kahayag nga way pagkapalong modan-ag unta kaniya hangtud sa kahangturan. Bahala ka na sa iyang kalag! Unta dawaton mo siya.