Diha sa mangitngit nga laraw

Ning panahon karon dili tanang tawo angayang hatagan nimo sa imong pagsalig tungod kay daghan ang nahimong bakakon mismo sa ilang kaugalingong baruganan. Dunay usa ka babaye nga ni-post sa social media ug  mahangyoong nagpakitabang sa usa sa mga mayor kay lagi wa na siyay panggatas alang sa iyang anak. Iya pa ganing gi-post ang kumpletong address.

Apan nahikurat ang tanan sa dihang pipila ka adlaw gikan niadto, nag-post naman pud siya og panawagan apan ning panahona nagpangita na siya og cellphone nga gikahinaman.

Nagkadaiya ang mga reactions sa mga netizens kini tungod kay daghanan ang wala makadawat nga himoon kadto sa maong linalang. Naglisud diay hah? Dayon mga emojis nga puno sa mga kalagot ug pagbugal bugal.

Bisan gani sa hitabo nato karon, daghan ang mahimong ilaron lamang kun dili kita mabinantayon ni maantigong mobasa sa dagan sa panahon.

Bisan gani ang paggawas ning Coronavirus Disease usa man ka dakong tanghaga o kaha bunga sa dautang tinguha nga i-depopulate ang kalibutan aron makontrol ning maong nagpaka dios ang dagan sa kinabuhi natong tanan.

Sa laing bahin dunay mga tawo kang kansang trabaho unta mao man ang pag-deliver og bisan unsa ngadto sa mga tawo nga dili mahimong mogawas tungod sa virus.

Apan ang nahitabo daghang mga tawo ang mohimo og fake booking mao nga makalolooy ang nabiktima niini.

Sa laktod, daghan na kaayo ang nahimong boangboang ning panahon sa Covid-19.

Kaha aron sila malingaw apan sa maong kalingawan nakahatag ba sila og kalingawan sa tawo nga ilang gibiktima? Murag unfair ang tanan.

Kay ikaw magtinarong, ang uban magbinuang. Kun ikaw nahimong honest ang uban nahimong maluibon.

Unsaon na lang.

Apan dili maayo nga mosalig lang ta dayon kay ning panahon diin anaa ang daghang bakakon bugtong Dios lamang ang nagpabiling matinud-anon ug dayag nga mopakita sa iyang kaluoy alang sa matag usa kanato ning panahon diin gisulayan kita sa hilabihan.