Unsa ka mahal ang gakos?

Mao kini ang pangutana sa akong kamanghoran niadtong niaging gabii pag uli nako gikan sa trabaho.

Naandan man gud sa akong anak nga mosugat ug mogakos nako inig uli nako sa balay gikan sa akong duty.

Tungod kay english speaking man pud ning bataa magkayuring lang sa iyang kalipay nga maoy moabli gani sa balay.

Apan sukad lagi niining nasinati nato karon nga krisis sa COVID-19, gipractice pud namo sa balay ang social distancing labi na ko nga usa usab ka frontliner sa pagkuha og mga impormasyon.

Gihimo nako nga inig uli sa balay, magpundo lang sa ko sa awto sulod sa usa ka oras dayon maligo sa gawas o nataran sa dili pa mosulod sa balay.

Inig sulod nako ako dayon abugon ang duha nako ka mga anak nga mopalayo o ipasaka sa taas.

Apan niadtong niaging gabii samtang nanihapon ko ug ang akong anak toa pud sa sala nag lingkod, kalit lang siya niduol unta nako pero akong gipakgang.

Ang iyang giingon “DADA WHEN CAN I HUG YOU?” natuk-an ko nga murag gikumot ang akong dughan, ako siyang gitubag, “ soon...maybe if the people would practice the protocol, I’m sure everything will be ok, by then you can hug me”

Matud niya, “like social distancing? but I want to hug you now!, ako pud siyang giingnan nga “I can’t afford to give you a hug for now son” ug miingon siya nga “Is hug too expensive?

Kini nga pangutana nga lisod tubagon apan nagtangag og clever answer, ako siyang gitubag, “son hug is pricesless which I can’t give you because of my too much love for you”

Nabali no? tungod kay gihigugma nimo ang imong pamilya dili nimo sila magakos aron maproteksyonam sa posibleng mahitabo.

Ang social distancing dili lang sa mga public area kon dili labaw na sa atong balay aron maseguro ang kaluwasan nila.

Karong panahona nabali na gyud kay sa una ang pulong “negative” dili maayo ang kahulogan kay gusto gyud ta nga moingon positive lang kanunay apan karon malipay ang mga tawo kon makadungog nga negative nga nagpasabot walay virus, sukwahi sa positive nga murag gidat-ugan sa kalibutan.

Bitaw kong motuman lang ang tanan sa lagda kaya ra natong mabuntog ang kagaw sa daling panahon ug mahatag na nato ngadto sa atong pamilya ang pagmahal ug paghigugma nga walay sukod.

Amping ug Ampo lang alang sa atong kaluwasan.