Gustong i-custody sa amahan ang bata

Dear  Atty. Divine,

Duna koy illegitimate son sa akong kanhi live in partner nga usa ka foreigner. Ang ang akong anak four year's old na ug nagbuwag mi sa amahan sa bata. Ang bata anaa sa akong custody. Apan karon gusto sa amahan nga kuhaon ang akong anak kay mas makahatag daw siya og maayo nga future sa bata. Wa ko mosugot sa gusto sa amahan ug mihulga kini nga mopasaka  og kaso sa korte for sole custody. Ang akong pangutana kun naa bay ground  ang akong kanhi kapuyo pagkuha sa akong anak? Daghang salamat.  —Mona

Dear Mona,

Basi sa atong balaod kun ang bata below 7 year's old kinahanglan nga di kini ibuwag sa inahan. Basi usab sa atong Family Code kun ang bata illegitimate, ang inahan  maoy dunay sole custody niini. Gawas lang kun dunay lig-ong basihan nga ma-disqualify ang inahan sa iyang pag-custody sa bata sama sa immorality, insanity or iyang gi-abuse o gi-abandon ang bata or duna siya'y sakit nga makatakud. Apan ang Korte ang modesisyon niini. Sa imo nga kaso kun ang ground sa imong kanhi partner pagkuha sa bata mao lang nga mas maka-afford siya kay kanimo, then dili kini makabarug sa korte. Kun dili ka maka-afford pagbuhi sa imong anak, then duna kay katungod pag-demand og support gikan sa amahan sa imong anak. Thanks and God bless. —Atty. Divine

* * *

Alang sa inyong pangutana ipadala lang sa Legal Corner sa Banat News sa V. Gullas St Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.