Praktikalidad ug pagtuo

Dili ikalimod nga kitang mga Pilipino ug kitang mga Sugbuanon dako gyud kaayo og pagtuo sa atong Ginoo. Mao man gani nga gawas sa mga pangilin sa atong mga santos nga patron, ang Semana Santa mao gyud ang panahon diin hugpaan og daghang mga tawo.

Daghan ang mga pangutana kun nganong mahadlok man kita nga mosaulog sa Misa diha sa kadaghanan. Dili ba ang atong Ginoo diha sa Santos nga Misa mao man ang tinuod nga mananambal? Tinuod kana apan maoy atong timan-an nga matag hitabo dunay rason. Ug nahimong tataw kaayo ang bili sa social distancing diha sa paglikay sa COVID-19.

Ang pagtuo dili lang diha sa pagka- anaa (physical) panahon sa kasaulogan kondili ang tinud-anay nga diwa nga bisan pa man kun tuod dili nato mahikap ang ostiyas ug dili nato mataak ang mga simbahan sa kasamtangan. Gani dinhi sa ato gidili na pud ang mobile procession kay lagi basin mas modaghan ang matakdan sa COVID-19.

Apan subo palandungon nga ning panahon sa COVID-19 daghang mga parokyano ang wala gani internet connection. Unsaon man lamang nila pagkakita sa Misa nga gi-live streamed? Ang yanong manimbahay nga wa pa gani makatugkad sa pagtuo? Unsaon man lang ang tanan? Gani dunay nangutana kun nganong bisan ang paghilog sa mga masakiton pagadid-an man ning panahon sa pandemic? Sa ato pa, mamatay na lang ba kuno ang pasyente nga dili makadawat sa katapusang sakramento gikan sa simbahan?

Gani didto sa Roma daghan na kaayong mga pari ang nangamatay. Ning maong pandemic akong nakita segun sa akong pagpamalandong kining mosunod:

1. Ang pagsaka sa mga extraordinary diabolical activities bisan diin. Gani daghan ang gisulay ning panahona. Gitay-og ang pagtuo ning panahona.

2. Daghang nangamatay nga mga kaparian didto sa Roma ug pipila sa mga nagkalain laing dapit. Ang maong kamatayon nila nga mosaulog unta sa mga Santos nga Misa ug sa pag administer sa mga sakramento nakahatag og kahaw-ang sa atong kinabuhing Espirituhanon.

3. Kining maong pandemic nakaparalisar sa ekonomiya bisan diin ug sa maong pagkaparalisar ang mga nasud mamahimong vulnerable sa posibleng pag-atake.

4. Ang coronavirus mamahimong kapasikaran nga pagadid-an ang panagtapok bisan gani sa mga relihiyosong mga kalihukan. Duna kini implikasyon nga matud pang Bill Gates sa dihang siya gi interview nga ang Simbahang Katoliko mahimong suspendido sulod sa napulog walo ka mga bulan o dili ba kaha forever kuno. Himoong wad-on ang gitawag natong sentro sa paglaum alang sa mga Kristiyano Katoliko ug kun ang tawo nahimong desperado mamahimo nalang pud siyang submissive sa bisan unsay gustong mahitabo niadtong mga tawo nga nag-isip sa ilang mga kaugalingon nga gamhanan ra kaayo.

Alang nako, bisan pa man kun gidid-an kita sa maong panagtapok apan ang atong pagtuo nahimong mas nilig-on pa labina gyud ning mga panahona. Asa man kita padulong? Human sa extended lockdown? That remains to be seen.