Nakapalit og portion gikan sa tituladong yuta

Dear Atty..Divine,

Duna koy napalit nga portion sa yuta nga titulado.  Gusto unta nako nga patituluhan ang portion nga akong napalit apan ang tag-iya dili man mohatag sa original copy sa title. Ang akong pangutana kun pwede ba ko nga makapatitulo sa akong napalit bisan wa koy  original copy  sa title kay ang naa nako mao lang ang   certified true copy? Thanks and God bless.

Nenita

* * *

Dear Nenita,

Kun portion ra ang imong napalit sa tituladong yuta, ang una nimong buhaton mao ang pagpa-survey niini og pagpasub- divide. Kinahanglan nga pa-aprobahan sa imong surveyor ang subdivision plan ngadto sa  DENR.  Dapat usab nimo nga i-process ang pagbayad sa Capital Gains Tax ug Documentary Stamp Tax ngadto sa BIR. Kun makompleto nimo kini mamahimo na nimong i-process kini sa Register of Deeds aron ma-isyuhan ka og titulo sa portion nga imong napalit apan kinahanglan gyud nimo ang original copy sa mother title kay imo man kining i-surrender sa RD. Pasabta lang ang owner nga kinahanglan nimo ang original copy sa mother title kay inig-release sa imong titulo, mopagawas sab ang RD og laing titulo sa remaining portion ubos sa pangan sa imong seller. So pasabta  lang ang seller kalabot niini. Thanks and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.