Namatay na ang tag-iya sa yuta nga nagtugot kanila sa pagpuyo

Dear Atty. Divine,

Duna koy pangutana labot sa yuta nga amomg gipuy-an. Kining yutaa gipanag-iya sa among iyaan. Ang akong mama maoy mihangyo sa akong iyaan nga motukod mi og balay og misugot siya. Karong bag o namatay ang akong iyaan. Ang akong pangutana kun mapapahawa ba mi sa among gipuy-an  bisan kun duna mi consent sa akong iyaan nga namatay ? Nabalaka man gud mi nga papahawaon mi sa iyang mga anak. Daghang salamat. —Jessica

Dear Jessica,

Ang consent nagtugot lang ninyo sa pagpuyo sa maong yuta ug kay namatay na man ang imong iyaan, ang iyang mga heirs maoy mo inherit sa iyang yuta ug sila na ang bag-ong owner niini.  Tungod kay sila man ang bag-ong tag-iya so sila na ang magbuot niini. Busa kun pananglit papahawaon mo nila then wa gyud moy mahimo kay basi sa balaod ang tag-iya  sa property maoy makabuot niini. Hinuon duna moy option sa pagtanyag nga inyo nalang paliton ang portion nga inyong gipuy-an, hangyua lang imong relatives aron di na mo kinahanglan  nga mopahawa pa. Thanks and God bless. —Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.