Baptismal certificate dili igong pruweba kun kinsay amahan sa bata

Dear Atty. Divine,

Ang akong igsuon adunay illegitimate nga anak. Apan ang amahan sa bata wa makapirma sa Birth Certificate so ang gigamit nga apelyido sa bata mao ang apelyido sa akong igsuon.

Apan sa baptismal certificate sa bata nabutang ang  pangan sa amahan. Ang akong pangutana kun lig-on ba nga ebidensiya ang baptismal certificate to prove nga siya ang amahan sa bata?

Unsay  angayang buhaton sa akong igsuon aron mabutang gyud ang name sa amahan sa birth certificate sa bata? Daghang salamat.

Jessica

* * *

Dear Jessica,

Basi sa balaod, usa sa mga lig-ong proof of filiation mao ang birth certificate nga diin nabutang niini ang amahan sa bata  or any public or private instrument nga pirmado sa amahan nga nag- acknowledge sa bata.

Ang baptismal certificate usa sa magamit isip supporting documents apan dili kini makabarug kon kini lang usa, kinahanglan kini og dugang pruweba. Busa ang maayong  buhaton sa imong igsuon mao ang paghangyo sa amahan sa bata sa pag execute og Affidavit of Acknowledgement og isubmit  kini sa Local Civil Registrar  diin marehistro ang bata aron ma annotate kini sa iyang birth certificate. Thanks and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City  or email sa flores_divina@ yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.