Epira, unsa man ni?

Ang House of Representatives naglaraw paghimog kausaban sa RA 9136 kon Electric Power Industry Reform Act (EPIRA). Ngano man? Una sa tanan, ilang i-restructure Energy Regulatory Commission (ERC), kay matud pa, ang gahum ug ang katungdanan sa chairman ug chief executive officer niini gibutang sa usa lamang ka tawo.

Sa ato pa, kun maghisgot ta’g energy regulatory, gamhanan kaayo kining tawhana ug matud pa, “the current setup at the regulatory body does not foster a balance of power and accountability,” ug ang accountability ug transparency  kinahanglanon kaayo aron makakabig kini sa pagsalig, sa trust ug integrity gikan sa mga industry players ug sa publiko mismo.

Isip electric power regulator sa nasud, daku kini’g papel ug kaakohan pag-protehir sa katungod sa mga consumer o gumagamit sa kuryente, ug pagpalambo sa sa makiangayon nga kompetensiya sulod sa electricity market.

Giingon dinhi nga ang House Bill 2099, “seeks to enhance and strengthen the existing governance structure of the ERC by providing additional number, qualifications and requirements for ERC commissioners to ensure board efficiency and diversity; creation of three commission divisions, aside from the commission en banc, to ensure faster resolutions of cases, applications and promulgation of rules; and prohibitions and disqualifications for ERC commissioners and their relatives to prevent conflicts of interest.”

Sa ato pa, atong masabot dinhi nga lahi sa karon nga set up, ang ERC pagadumalaon na, dili lamang sa usa ka tawo, kundili, dungagan nag mga commissioner ug mga division, aron masayon ug madali ang mga resolusyon pagsulbad sa mg problema, paglatid sa mga batakan, ug pagdili sa kabanay sa mga commissioner pagpangilabot sa operation sa ERC aron kalikayan ang conflict of interest.

Ang commission pagasakpan og mga abogado, accountants, systems engineers ug utility economics. Niini, hukasan na ang CEO sa iyang mga functions, ug isangon na kini sa usa ka executive director, tukoron ang People’s Counsel, sa ato pa, aduna nay kalabutan ang publiko o ang mga consumers mismo.

Hinumdoman nga ang EPIRA namugna niadto pang 1991, “to privatize the generation, transmission, distribution and supply of the power sector.” Apan, sa sunod nga mga adlaw ang  distribution ug  transmission, gideklarar nga public utilities. Sa ato pa, iya sa gobiyerno, dili ma-privatize.

Mao nga tapus namugna ang EPIRA, wa kaayo kita makadungog og naunsa na kini, hangtod niining mga laraw paghmo’g kausaban niini.

* * *

Sa iyang kolum sa Philippine Star, si Carmen Pedrosa nangutana, “Why do Filipinos continue to support Duterte?” Lagmit, lakip ikaw ug ubang Pilipino nakapangutana usab niini.

Nahisgutan ang niaging presidential election diin gitandi sila Duterte ug Roxas; nga si Duterte, alang sa mga kabus “is one of us,” samtang si Roxas gihulagway nga usa ka oligarch, usa ka adunahan nga layo sa kasingkasing sa mga yanong lungsoranon.

Matud ni Pedrosa: “Filipinos were maturing politically and they understood the message of Duterte’s campaign. It was time to stop the oligarchs’ hold on government.”

Matud pa, “Duterte’s government has many flaws,” apan despite niining tanan, nagpadayon ang iyang popularity ug ang pagsalig sa katawhan, bisan og giunsa pagkusokuso ug pagdaot sa oposisyon ang iyang administrasyon. 

Unsa ta man ni, kabubot-on man kini sa katawhan.