Linog sa Mindanao

Nagpusot pusot ang text messages sa akong mga kaparyentihan didto sa Davao del Sur tungod sa ilang kasinatian.

Nibati pud ko og tumang kahingawa alang nila nga nakasinati sa maong trahedya. Kun buot hunahunaon way maayong laki kun maghisgot na kita og linog. Ang Magnitude 6.6 dili na basta basta nga kahimtang.

Angayan kitang mabalaka kun motay-og na ang yuta.sa laing bahin dunay mga tawo nga insensitive kaayo sa panghitabo.

Ila dayong I blame sa pagkamakasasala sa tawo ang maong trahedya ingon nga silot.

Mosupak ako nianang maong panlantaw. Kay ngano man diay mas buotan ba kita kay kanila didto? Mao nga gisilotan sila kay kanato? Ang tubag dili.

Kini tungod kay kabahin man gyud sa kinaiyahan ang linog.nahimong unstable na kaayo ang mga faults ug tanan naapektuhan ning mga butanga.

Ang mahinungdanon mao nga dili maayong mokumpiyansa. Angayan lamang nga andam kita sa kanunay. 

Sa pagsaulog nato sa Adlaw sa tanang mga Santos ingon man sa Adlaw sa tanang mga Matuohong Nangamatay, gipahinumdoman kita sa kamubo ra gyud tawon sa kinabuhi. A

ng kinabuhi nga atong giampingan mahimong mawala lamang sa daklit kay matag usa nato duna may katapusan.

Akong mga pag-ampo alang sa atong mga kaigsuonan didto sa Mindanao.

Kitang walay mahimo ug dili gayud makapugong niini bugtong ang Dios lamang ang dunay gahum sa pagpugong niini sanglit siya man ang tinubdan sa tanang han-ay sa uniberso.

Kabahin gyud diay sa liyok sa kinaiyahan ang kadaut nga mahimo aron mogitib ang laing hugna sa pagkinabuhi nga maoy mohatag og bag-ong dagway sa kalibutan nga atong gipuy-an karon….. Kun ugaling matapus man ang kalibutan mao na kana ang gitawag pa nila og go with the flow kay bisan asa ta tago wala gyud tay mahimo.