Nagpakasal nga way marriage license

Dear Atty. Divine,

Duna koy pangutana labot sa akong previous marriage. Nagbuwag mi sa akong bana after one year kay akong nahibaw an nga naa siyay laing babaye.

Wala sad mi anak. Pagminyo man gud namo didto siya nagtrabaho sa Saudi ug tungod kay 1 month ra ang iyang bakasyon inig uli niya, nagpakasal mi nga wa mi mo comply sa pagkuha og marriage license ug nag execute lang mi og Affidavit of Cohabitation. 

Akong nahibaw-an nga void ang marriage kun kini gipahigayon nga walay marriage license, ang akong pangutana kun needed pa ba ko nga mo file og Annulment of marriage sa  korte aron madeklara nga void ang akong marriage? Daghang salamat.

Gerlie

* * *

Dear Gerlie,

Basi sa Family Code kinahanglan gyud nga dunay marriage license ang pagpakasal gawas lang kun nalakip kini sa exception nga nalatid sa balaod sama niadtong nagpuyo  or nag live - in na sud sa lima ka tuig.

Sa imo nga kaso, wa mo nagpuyo kay didto man sa gawas nagtrabaho ang imong boyfriend at that time busa kinahanglan gyud unta mo nga mokuha og marriage license before your wedding ug tungod kay napakyas mo sa pag-comply niini hayan makonsiderar gyud nga void ang inyong marriage.

Apan dili kini automatic ug kinahanglan gyud ka nga mopasaka og Petition sa korte aron madeklarar nga void ang inyong marriage.

Basi sa Art. 40 sa atong  Family Code kini nagkanayon nga kinahanglan gyud ang judicial declaration sa mga void marriages. Thanks and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.