Mao raman gihapon

Dunay naghimo og usa ka Healing Miracle Crusade.  Ang maong evangelist naila nga motambal sa mga nagkalainlaing sakit. Dunay tawo nga naglingkod ug iyang giingnan: “In the name of Jesus Barog ug lakaw!” nibarog ang maong tawo ug namakpak ang mga tawo  kay bisan kini nagsusapinday nilakaw lang kini gihapon alang kanila usa kini ka dakong milagro. Mao gidapit sa evangelist ang maong tawo sa paghatag sa iyang testimonya didto sa entablado.

Iya kining gipangutana: “Kumusta? Unsay imong ikasulti? Ang tawo mitubag: “Mao raman gihapon? Ha ngano man? Sukna sa evangelist.

Ang tawo mitubag: “Mao ra gihapon dili gihapon ko makakita.!

Ingon ini usahay ang nahitabo natong mga tawo. Ato dayong I-presume nga nadawat nato ang tanan sibo sa atong gusto.

Gani kita pa man ang magbuot kun unsay atong pangayoon gikan sa Ginoo. Sa problema pananglitan, nihatag kita og solusyon sa dili mao nga problema kini tungod kay ang atong gihunahuna mao raman ang atong mahimo ug hikalimtan nato nga diha sa kasulbaran sa matag problema anaa ang matag kutay sa pagtambayayongay.

Akong nakat-onan ang mosunod:

1. Una tan-awa daan ang sitwasyon una ang solusyon. Himoa kini sa makadaghan aron di ikaw mauwawan.

2. Ikaduha ayaw dayon og tuo nga ang tawo mao ang moayo nimo kada usa nato dunay pagtuo ug ang pagtuo makaayo gyud.

3. Ikatulo, Ang tanan mahitabo subay sa panahon sa Dios mao nga dili nato ilatid ang atong kaugalingong time frame hangtud nga atong nakalimtan nga ang Dios diay maoy nagbuot niining tanan.

4. Busa salig nga ang milagro mahitabo ug  matag milagro dili na kinahanglanon nga extraordinary kay ang tinuod nga milagro mao man ang nausab nga kinabuhi sa matag tawo.