Matud pang Papa Francisco

Smile even if life is hard …. Madasigong hagit ni Papa Francisco ngadto sa mga tawo. Sa atong kalibutan karon daghan kanato ang nahimong nalumos sa tumang kagul-anan. Nagmagul-anon kita tungod sa daghang mga problema. Nagmagul-anon kita tungod kay usahay sinati nato nga kita mga tawong pakyas. Pakyas sa tanan natong gipaningkamotan. Nagmagul-anon kita kay daghang tawo ang nitan-aw lamang sa atong kasaypanan ug dili sa atong mga maayong binuhatan.Mosugot ka o sa dili ingon ini gyud ang kalibutan. Apan bisan pa man niini, padayon sa gihapon diha sa imong pagpahiyom. Ang kalipay usa ka pagpili ug dili angayang ipamugos sa uban o hangyoon ang uban nga kita lipayon. Nganong kinahanglan man gyud nga kita mopahiyum.

1. Una ang Dios naghatag kanato og kinabuhi. Ang kinabuhi angayang saulogon bisan pa man sa mga kalisdanan niini. Maayo na lang gani kay gihatagan pa kita og kahigayonan nga magpakabuhi.

2. Ikaduha, adunay mga tawo nga nagpalibot kanato. Ang uban kanila tuod dili maantigong mohatag sa ilang pagtagad ug pagpangga kini tungod kay sila mismo mga biktima man pud sa ilang samaran nga mga kagahapon. Apan pasalamat ra kita sa gihapon kay ang ilang mga pagtamay naghatag man og bulok sa atong kinabuhing malambigiton.

3. Ikatulo, adunay kalikupan nga mao ang pagpasundayag sa Diosnong kamamugnaon. Angayan nato kining ampingan, angayan nato kining saulogon.

4. Ikaupat, anaa ang gugma nga mahimong atong sination. Wala pa lang kini unsa kahay dangatan nato sa?

5. Dunay Dios nga dili mahitabong mobiya kanato. Dunay mga higayon nga siya halayo apan padayon siyang naminaw kanato. Ug padayon siyang nihatag sa iyang giya.

6. Ang kinabuhi ingon nga usa ka panaw, kulbahinam. Anaa gyud nang mga ups and downs. 7. Ang katapusan mao, mubo ra gyud ang kinabuhi natong mga tawo mao nganong ato man kining ikomplikado? Sa akong padayong pag-aninaw nakita ko ang dakong kahigayonan sa pagpangita sa gitawag nilang kalipay. Kalipay nga dili mahimong mahatag sa kalibutan. Kalipay nga dili mahimong ikahatag sa kalibutan.

Niadtong batan-on pa ko sa dihang niapil ko sa Life in the Spirit Seminar dunay kanta nga dili gyud nako makalimtan: Ang linya nagkanayon: My Joy I give unto you! It’s the joy that the world cannot give, it’s the joy that the world cannot understand, joy to know, joy to give, my joy I give unto you! Mao kini ang akong pag-ampo ug unta inyo pud nga pag-ampo.