Gustong mohimo og Last Will and Testament

Dear Atty. Divine:

Ang akong mama ug papa nagbuwag na. Duna silay property nga napalit during their marriage og naa say separate properties si mama  nga iyang sinunod sa  iyang mga ginikanan. Si mama nagplano sa pag-execute og Last Will and Testament . Ang akong pangutana kun mamahimo ba nga maghimo si mama og Last Will and Testament bisan kun way pagtugot  gikan sa akong papa? Daghang salamat.— John

Dear John,

Basi sa atong Civil Code of the Philippines  sa Article 802 ug  Art. 803 kini nagkanayon nga ang minyo nga babaye mamahimong mohino og iyang Last Will and Testament ug di na kini magkinahanglan og pagtugot o consent sa iyang bana. Kini tungod kay isip co-owner sa ilang conjugal property mamahimo  ang imong inahan nga mo-dispose sa iyang  share niini og lakip sa iyang exclusive property  pinaagi sa Last Will and Testament. Buot ipasabot nga ang imong mama mahimo kaayo nga makahimo og Last Will and Testament nga di na magkinahanglan og approval o consent sa imong papa samtang ang imong papa mamahimo sab nga maghimo og iyang Last Will and Testament  nga di na magkinahanglan og approval o pagtugot sa imong mama. Thanks and God Bless.—Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi  sa akong column matag Miyerkules, Sabado ug Domingo.