Online libel

Dear Atty. Divine,

Ang akong manghud dunay problema labot sa babaye nga nagsige og panaut niya sa Facebook. Kining bayhana classmate niya before sa high school so kaila gyud sila. Apan nagkaaway ni sila kay ang ex-boyfriend aning bayhana maoy nauyab karon sa akong manghud.

So wa pa seguro ka move on ning bayhana so ang akong igsuon ang gipahimungtan ug gihinganlan gyud siya og di maayo og libelous ug malicious kaayo ang mga term nga iyang gigamit pag-describe sa akong igsuon.

Ang akong igsuon nagtrabaho ni siya sa usa ka government office. Unsay angay’ng buhaton sa akong manghud aron mahunong ning bayhana? Daghang salamat.

Jane

* * *

Dear Jane,

Aron mahunong na kining gihimo sa babaye pagdaut sa imong manghud pinaagi sa Facebook , pwede kini niyang pasakaan og reklamo sa barangay diin siya nagpuyo. Kini aron magkaatubang sila og magkaareglo.

Apan kun di sila ma-settle sa barangay then pwede mopasaka ang imong igsuon og kasong Libel batok niining babaye nga nagsige og post og mga Libelous og malicious messages batok sa imong igsuon pinaagi sa Facebook. Kini tungod kay ang iyang gibuhat usa ka kalapasan sa Cyber Crime law. Kun mapamatud-an kining maong babaye sa kasong online libel hayan mapriso gyud siya kay usa man kini ka criminal offense. Mas maayo sab nga i-screen shot sa imong igsuon ang tanang libelous comments nga gi post batok kaniya sa Facebook aron mao kini gamiton niyang ebidensya. Thanks and God bless!

Atty. Divine

* * *

Alang sa inyong pangutana ipadala  lang Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.