Dili tanang depresyon moresulta sa paghikog

Nahimong baniog karong mga panahona ang kasagaran natong rason ang depresyon mao ang tawo maghikog.

Apan matud pa ni Andrew Solomon dili tanang depresyon magdala og hikog. Dunay mga tawo nga gipahimugso na gyud nga suicidal.

 Tingali tungod kay ang mga external factors sama sa stress ug ang aggressiveness sa mga panghitabo maoy nakapahimo sa tawo nga mapiit labina kun dili siya andam niini. Ang uban nagtuo nga ang hikog fundamental right, apan mas maayo nga dunay himoon ang matag usa dili lang aron mapugngan ang hikog nga lisud gyud himoon kondili aron mahatagan og assurance ang matag linalang nga importante diay ang kinabuhi  mao nga dili maayo nga kini usikan na lang sa hilabihan. Dunay nagkadaiyang matang o pundok sa mga suicidal:

1. Ang unang pundok mao kadtong mga tawo nga naghikog tungod sa depresyon.

Wala sila sa hustong hunahuna ug dili stable ang ilang emosyon.

2. Dunay mga disappointed kaayo sa ilang kinabuhi bisan pa man kun taas na sila og naabot.

Kini naglangkob sa mga artists ug uban pang mga tawo nga wala matagbaw sa ilang naabtang kalampusan.

3. Ang uban naghikog lang apan wala sila masayod sa rason. Kalit lang niabot sa ilang hunahuna mao nga nabuhat nila ang maong butang sa way igong hinungdan.

Lisud man tuod ang kinabuhi apan wala kini magpasabot nga hunoson na lang sa igong kasayon.  Ang maayong buhaton sa matag usa kanato labina sa mga tunghaan mao ang pag identify  sa mga tinun-an nga dunay suicidal potentiality ug ang ongoing positive stroking activity maoy himoon aron sa ingon makakita ug makasinati sa positivity ang matag usa kanato.