Ang inahan nga nagpasuso

Nakaani og pagdayeg ang inahan nga mopaso alang sa iyang graduation sa dihang nakita siya nga nipasuso sa iyang anak.

Wala niya ikauwaw ang iyang pagka inahan ug nahimo lamang nga mas nihamtong siya sa iyang tahas ingon nga inahan. Alang nako kining pagpasuso sa bata nga gihimo sa usa ka inahan dili hilas tan-awon apan tabunok sa kahulogan.

Dunay mga babaye nga dili buot magpasuso sa anak sa rason nga dunay dakong kalambigitan sa ilang panglawas.

Dili sila buot nga madaut ang ilang figure ug labaw na nga hasol kini alang kanila.

Mas maayo pa alang kanila nga magpalit na lang og gatas nga powder alang sa ilang mga masuso.

Sakto gyud ang giingon sa mga katigulangan nga kun ang bata mosuso sa inahan mas duol siya niini.

Sa laktod nga pagkasulti anaa ang emotional bond tali nilang duha samtang sayo pa.

Daghan nato karon ang hilig kaayo sa mga butang instant ug dali.

Nakalimot kita sa bili sa proseso. Nakalimot kita sa bili sa paghikap ug pag-amoma sa atong mga mahal sa kinabuhi ug labaw sa tanan dili kita buot nga moatiman sa kahadlok nga mahimong pakyas ang tanan.

Apan bisan pa niining maong kahadlok atong sundon ang gipakita sa usa ka yanong inahan nga bisan taliwala sa daghang mga tawo ang dili mauwaw mopagawas sa iyang suso aron lamang mahupay ang kagutom sa iyang anak.

Ingon ana usab ang gugma andam moatiman bisan pa man kun sa kadaghanan hisaypan ug luiban. Matud pa sa balak nga nag-ulohan: boobies for babies: No need to heat your boobies up - you’re ready when babe wakes up.

Hold your baby tenderly...bonding is security. Usbon ko: “BONDING IS SECURITY