Ganahan og mosugot kitang ilaron

Mao kini ang namatikdan o observation ni Fr. Rolando V. dela Rosa, O.P., bahin niining atong paggahin og pila ka takna aron malingaw, sama kuno niining atong pagtan-aw sa sine, TV, nga matud pa, puno sa deception o pangilad.

Matud pa kuno ni Eugene O’ Neil, people want to be deceived. Ug karon, samtang mo-enjoy kitang magtan-aw sa salida sa sine o sa TV, wala kini magpasabot nga mituo kita sa atong gitan-aw, kundili, maoy atong gusto nga kita maka-eskapo gikan sa bisan unsa man nga suliran ang atong gihambin pinaagi sa mga fantasy ug illusion nga atong makita sa sine o sa telebisyon.

Giingon dinhi nga sa napulo ka top grossing nga mga films nag-deal kini og mga fictitious superheroes, high-tech magic, ug fairy tale nga mga romansa. Tinuod, di ba? Malingaw kaayo kita niining maong mga movies, bisan kon nasayod kita nga fake ang tanan nilang gi-portray.

Apan, luyo niining tanan, tungod kay by nature maghandom man gayud kita sa kamatuoran, dili magdugay ang atong pag-appreciate sa maong mga movies.

Ug sa gihapon mo-enjoy ug malingaw kita sa mga classic films nga mag-portray og real people ug dili mga fictitious nga mga character, sama sa karaang Sound of Music, Casablanca, Ten Commandments ug ubang mga classic films.

Matud ni Fr. dela Rosa: “We prefer movies that portray real people embodying our desire for unadulterated truth, for authentic virtuous that make life worth living, like honesty, love, a sense of decency, faith, and integrity.” Tinuod usab, di ba?

Karon, laing matang sa spectacle ang buot molingaw ug buot usab moilad kanato.

Niining panahon sa eleksyon daghan kaayong matang sa mga pasundayag nga atong masaksihan nga maghulagway sa mga kandidato nga sila ang labing maayo, labing takus, labing matinud-anon, ug labing sinsero nga moalagad sa lungsod.

Silang tanan pulos nahigugma sa mga kabus, kay gikan sila sa kabus nga kagihan. Maoy hinungdan nga ato silang makita nga maggakusgakos ug kabus nga mga tigulang ug nagkagidlay nga mga bata, sama sa atong makita sa mga salida sa sine.

Atong kutloon pag-usab si Fr. dela Rosa; “This early, the public is again treated to another season of fantastic spectacles.

Politicians are already acting out their elaborate roles in scripts written by spin doctor, political supporters, dubious survey firms, and media consultants. Election season in our country is like an action movie where elitist brats, macho drop-outs, and political opportunists are dolled up the packaged as credible and lovable characters,” tinuod na pud, di ba?

Ang eleksiyon usa ka balaan nga katungod sa katawhan. Ug aduna kiniy kalabutan kon unsa nga matang sa ugma ang atong matagamtaman tapus sa eleksyon. Apan karon.

Sayaw-sayawan ug kanta-kantahan lamang  kita sa atong mga kandidato. Ug tungod kay dali man kitang malingaw, mamakpak usab kita bisan kon nasayud kita nga ila kitang giilad.

So, aduna bay pagkatinuod ang giingon ni Eugene O’ Neil nga people want to be deceived? Akong panghinaut nga mo-vote kita intelligently ug responsibly, ug dili kita magpadala sa mga deception nga maoy nagpasulabi niining atong panahon karon.