Carcar Provincial Hospital
Erratum. Ato ning unahon. Kadtong atong gihisgutan dinhi nga pagpa-opera sa duha ka tuhod ni kanhi Konsehal Pax Pacaña nga atong giingon nga didto siya operahe sa Naga City provincial hospital, sayup to.
Matud ni Rene Alquizola didto siya operahe sa Carcar City Provincial Hospital. Ang nangunay pag-opera kaniya mao si Dr. Rene Catan, ang atong provincial health officer. Sa ato nang giingon, nagmalampuson ang maong operasyon.
Ambot unsa tong pagkaunsaa nga sa akong pag-check sa akong note, Carcar City may nabutang ambut ngano nga na-Naga City man pag-computer na nako. Lisud ning hapit na ta matiguwang da. So, sorry kaayo for the blooper and slip of the mind. Suma sa akong giingon, kaya na sa atong mga provincial hospital ang pag-atiman ug pagtambal sa mga pasyente sa kalungsoran nga dili kinahanglan nga ipasa pa nganhi sa Vicente Sotto Hospital.
By the way, gamayng politika. Sama niadtong panahon ni Cory, miuso nausab karon ang pag-isa sa mga kamot sa mga kandidato, isip pag-endorse sa ilang kandidatora. Hinumdom ta nga bisag kinsa ang iisa nga kamot ni Cory, dako ang kahigayonan nga modaug ang tag-iya sa kamot nga giisa.
Mao na ba usab kini karon? Of course, alang niadtong gipang-endorse sa Presidente mismo ug ni Mayor Sara, hayahay na kaayo sila. Alang kanila, human na ang eleksyon. Canvassing na lang ug oath-taking ang kuwang.
Specifically, natarantar ba o na-bothered ba sila si Mayor Tom ug Vice Guv Magpale niining maong kaugmaran?
Matud sa kampo ni Tommy, mabuot ang mga pumipili sa dakbayan. Aduna kini silay independiente nga kabuot ug panghunahuna, wala mag-agad sa nasudnong han-ay sa politika. Localized kaayo ang mga isyo, ug ang pagbotar wala mag-agad unsa nga national party ang misabak o mi-alayaon sa lokal nga partido.
Ingon niini, matud nila, ang pagka-gawasnon sa mga pumipili sa dakbayan. Sa ato pa, ato konong gi-practice dinhi sa dakbayan ang intelligent ug responsible voting. Mao ba? Sa mga tambay pa, let us to wait and see the scatter. Ug sa lalawigan, naglawig na ba sila si Rep. Gwen Garcia ug mga kauban? Matud ni Vice Guv Agnes Magpale, earlier gi-endorse man usab kono siya ni Mayor Sara. Atong kutluon kining iyang pamahayag:
“The endorsement Mayor Inday Sara gave early on to my candidacy was freely given and I don’t believe the hand-raising today will stifle my campaign. I am still grateful for the support.
“I believe that a clean track record without any scandals, graft and corruption controversies as well as Ombudsman convictions or ongoing Sandiganbayan cases will win the hearts and minds of the Cebuano voters. “We have a very discriminating electorate here in Cebu. The team continues to remain strong and determined. “
Mga pangutana: Duna bay epekto ngadto sa mga pumipili ang pag-isa sa mga kamut? Mao ra ba unya kini ang basihan sa ilang pagbotar?
Tapus sa endorsement, unsa man? Wala bay follow -up support ug unsa nga matang sa support? Igo na ba ang pag-isa lang sa kamut? Matubag ni tapus sa eleksyon.
- Latest
