Yuta gustong abangan sa usa ka langyaw
Dear Atty. Divine,
Duna koy yuta nga gustong abangan sa foreigner. Long term ang gusto niya kay plano siyang motukod og rest house sa maong property.
Ang gusto niya 50 years ang term sa abang and renewable og laing 50 ka tuig aron daw makabawi siya sa iyang expenses pagpatukod og building.
Ang akong pangutana kun duna bay limit ang gitas-on sa pagpaabang og yuta foreigner dinhi sa Pilipinas? Daghang salamat.
Jane
* * *
Dear Jane,
Basi sa Section 1 sa Presidential Decree 471, kini nagkanayon nga ang term sa pagpaabang og yuta ngadto sa usa ka foriegner o langyaw kinahanglan nga dili mosobra sa 25 ka tuig og renewable kini og laing 25 ka tuig lang.
Buot ipasabot nga kutob lang sa 50 ka tuig tanan ang pagpa-abang sa yuta ngadto sa usa ka langyaw. Ang bisan unsang kontrata nga mosukwahi sa nalatid sa balaod dili kini balido. Busa kun imong paabangan ang imong yuta sa langyaw kinahanglan nga kutob ra kini sa 25 ka tuig ug renewable for another 25 years lang. Thanks and God bless.
Atty. Divine
* * *
Alang sa inyong pangutana, ipadala lang sa email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
