Ang 8888 Citizens’ Complaint Hotline

Duna koy amigo misugilon kanako nga nakasuway siya’g tawag sa 8888 hotline ug matud niya, samtang malangan og gamay, apan, mo-epekto gyud.

Usually tawgan sa Malacañang ang hingtungdang opisina.

Ug natural mokurog gyud ang makatubag sa tawag sa Malacañang.

Ikaw bay makadawat sa tawag, di ba ka mokurog. Ug mahitabo, aksyonan dayun unsa man ang gireklamohan.

Aduna silay 80 ka linya sa telepono, apan daku kaayo ang kulang, hinungdan nga gidungagan kini’g laing 20 ka linya  apan kulang gihapon.

Natural, atong ma-imagine ang kadaghan sa manawag gikan sa tanang dapit sa nasud.

Ug pila lang kaha ka porsiyento sa mga molupyo sa nasud ang manawag.

What, kun manawag kitang tanan? Maato kaha ni sa Malacañang?

Ang citizen’s hotline na-establisar niadto pang 2016 pinaagi sa Executive Order NO. 6.

Sa ato pa, bag-o pang nakalingkod si Presidente Duterte sa katungdanan.

Tuyo niini, mao ang pagdawat sa mga reklamo batok sa mga fixers, scalawags o badlongon nga public officials, ug poor o walay hinungdan nga government service. Gumikan niini, kun modaghan na pag-ayo ang manawag, mokinto na ang atong mga kawani sa gobiyerno.

At least, nakahunahuna sila nga anaa sila karon sa gihuptan nilang mga trabaho, primarily to serve, dili kay modawat lang sa sweldo.

Karon, laraw sa Presidente nga aron adunay tawo nga motutok sa mga buhatunon ug obligasyon niini, magtudlo siya’g Cabinet Secretary for Hotline.

Naglaraw usab sila nga magtudlo og separate nga opisina nga maoy mopadagan sa gimbuhaton sa hotline. Nindot na ni.

Mapitol na gayud ang atong mga public servants nga usahay ma-public masters, ug kita nga nagsweldo kanila, mao na hinuon ang mahimong mga servants.

Gitawag usab kini nga the President’s Hotline, ug naglaraw sila gawas sa mga tawag sa telepono, mahimo text messaging na lang nga matawgan sila sa pag-text. Ambot kun practical o posible ba kini.

* * *

Duha ang katuyoan sa Rice Tariffication Act (RTA) kun kining pagpahamtang og buhis sa bugas nga mapalit gikan sa gawas:

1) to bring down the price of retail rice to make the staple more affordable to the poor.

2)To raise the productivity and competitiveness of our rice farmers to protect their incomes.

Nindot paminawon.

Tiaw moy mo-barato na unya ang presyo sa bugas, unya imported pa. Apan, unsaon man pagpausbaw sa rice production sa atong mga mag-uuma?

Unsaon man nila  pagpakigkompetensiya unya sa imported nga bugas?